ՀՀ պաշտպանության նախարարությունը դեռ չի հայտնել իր դիրքորոշումը՝ Սարգիս Հացպանյանի հուղարկավորությունը «Եռաբլուրում» կազմակերպելու վերաբերյալ
25-01-2018 16:40:48 | Հայաստան | Հասարակություն
Սարգիս Հացպանյանի կինը՝ Հասմիկ Պողոսյանը իր ֆեյսբուքյան էջում գրել է։
«Հարգելիներս, ստիպված եմ հանդես գալ հորդորով, խնդրանքով՝ դեռ հողին չհանձնված ամուսնուս՝ Սարգիս Հացպանյանի վերաբերյալ հրապարակվող տարբեր լուրերի առնչությամբ:
Խնդրում եմ առանց ընտանիքի իմացության մեր ընտանիքի անունից չտարածել իրականությանը չհամապատասխանող տեղեկություններ:
Հուղարկավորության տեղը և օրը ճշտելու համար մենք դիմել ենք Պաշտպանության նախարարությանը և սպասում ենք պատասխանի: Հավաստի տեղեկություններ կարող եք ստանալ կամ իմ ֆեյսբուքյան էջից, կամ «Նոյյան Տապան» լրատվական գործակալությունից»: