1.3 մլն դոլար շահած թայլանդցին ինքնասպան է եղել․ Tert.am
08-02-2018 18:32:07 | Թաիլանդ | Ի՞նչ է գրում մամուլը
Tert.am Թաիլանդի բնակիչ Ջիրավուտ Պոնգֆանը 1.3 միլիոն դոլար է շահել վիճակախաղով, սակայն հաջորդ օրը կորցրել է տոմսն ու ինքնասպան եղել:
Mirror-ի հաղորդմամբ՝ 42-ամյա տղամարդը տանը հավաքել է իր ընտանիքի անդամներին ու ընկերներին՝ ուրախալի լուրը նշելու համար: Երեկույթի հաջորդ օրը վիճակախաղի տոմսը կորել է:
Ջիրավուտի ծանոթների խոսքով՝ նա այնքան էր սովորել ապահովված կյանք սկսելու մտքին, որ չկարողացավ դիմանալ կորստին: Տղամարդն ինքնասպանություն է գործել՝ ատրճանակից կրակելով իր ձախ քունքին: Մահից առաջ նա թողել է հետևյալ գրությունը. «Ներողություն եմ խնդրում: Խնդրում եմ, մի անհանգստացրեք իմ ընտանիքին, ես իսկապես շահել եմ»:
Նշվում է, որ հաղթելու համար Ջիրավուտն իրար նման թվերով յոթ տոմս է գնել, որոնցից մեկը շահել է: Անհայտ է՝ ինչ է տեղի ունեցել կորած տոմսի հետ և արդյոք որևէ մեկը յուրացրել է նրա գումարը։ Ոստիկանությունը հետաքննություն է իրականացնում: