Քաղաքական խորհրդակցություններ ՀՀև Խորվաթիայի Հանրապետության արտգործնախարարությունների միջև
10-02-2018 12:34:04 | Հայաստան | Մամլո հաղորդագրություն
Փետրվարի 9-ին Երևանում կայացան քաղաքական խորհրդակցություններ Հայաստանի և Խորվաթիայի արտաքին քաղաքական գերատեսչությունների միջև: Հայկական պատվիրակությունը գլխավորում էր արտաքին գործերի նախարարի տեղակալ Կարեն Նազարյանը, խորվաթականը` արտաքին և եվրոպական գործերի նախարարի քաղաքական հարցերով օգնական (տեղակալ) Վիկե Սկրաչիչը:
Խորհրդակցությունների օրակարգում էր հայ-խորվաթական հարաբերությունների զարգացմանն առնչվող հարցերի լայն շրջանակ։ Կարևորելով ամենաբարձր մակարդակով քաղաքական երկխոսությունը շարունակելու փոխադարձ ցանկությունը` երկուստեք առանձնացվեց առևտրատնտեսական հարաբերությունների զարգացման և թիրախավորված ոլորտային համագործակցության հարցերը, միջազգային կառույցներում երկու երկրների միջև փոխգործակցությունը, ինչպես նաև Հայաստան-ԵՄ հարաբերությունների ընթացքը։
Խորհրդակցությունների ընթացքում Վիկե Սկրաչիչն անդրադարձավ տարածաշրջանային վերջին զարգացումներին, մասնավորապես՝ Արևմտյան Բալկաններին, սիրիական հարցին ու ներգաղթյալների ճգնաժամին: Խորվաթ դիվանագետի խնդրանքով նախարարի տեղակալ Նազարյանը ներկայացրեց Լեռնային Ղարաբաղի հիմնախնդրի կարգավորման գործընթացի առաջմղման ուղղությամբ Հայաստանի և ԵԱՀԿ Մինսկի խմբի համանախագահների կողմից գործադրվող ջանքերն ու մոտեցումները։
ՀԱՅԵՐԵՆ
Русский
English
Դաս. հայերեն
French
