Պատանի բադմինտոնիստները կմասնակցեն Եվրոպայի առաջնությանը
12-02-2018 18:28:44 | Հայաստան | Սպորտ
ՀԱՕԿ Հայաստանի բադմինտոնիստները փետրվարի 16-18-ը Կազանում կմասնակցեն Մ 15 տարեկանների Եվրոպայի առաջնությանը:
Ավագ մարզիչ Էլեոնորա Մեսրոպյանի գլխավորությամբ Ռուսաստանում հանդես կգան Գայանե Մամաջանյանն ու Սվետլանա Բոյաջյանը: Աղջիկները կպայքարեն մենախաղերում եւ զուգախաղերում:
Հայաստանի բադմինտոնի ֆեդերացիայի գործադիր տնօրեն, մարզիչ Հրաչյա Պողոսյանը ՀԱՕԿ լրատվականի հետ զրույցում ասաց, որ արդեն գիտեն, թե ովքեր են աղջիկների առաջին մրցակիցները եւ այժմ ուսումնասիրում են նրանց խաղերը: Պողոսյանի խոսքով՝ մեր բադմինտոնիստները լավ մարզավիճակում են եւ պատրաստ են Եվրոպայի առաջնությանը:
Ֆեդերացիայի գործադիր տնօրենը հայտնեց նաեւ, որ մեր առաջատար բադմինտոնիստ Լիլիթ Պողոսյանը շարունակում է մարզվել եւ խաղալ Դանիայում:
ՀԱՅԵՐԵՆ
Русский
English
Դաս. հայերեն
French
