Ձյուդոյիստ Ֆերդինանդ Կարապետյանը միջազգային մրցաշարում դուրս է մնացել մեդալի համար պայքարից
12-02-2018 19:41:37 | Ֆրանսիա | Սպորտ
ՀԱՕԿ Ձյուդոյի Հայաստանի հավաքականի անդամ Ֆերդինանդ Կարապետյանը (73 կգ) փետրվարի 10-11-ը Փարիզում մասնակցել է «Մեծ սաղավարտ» միջազգային մրցաշարին:
Առաջին գոտեմարտում Կարապետյանը հաղթել է Ալժիրի ներկայացուցչին, սակայն երկրորդում պարտություն է կրել վրացի մարզիկից եւ դուրս մնացել հետագա պայքարից: Մրցաշարը վարկանիշային էր Տոկիոյի ամառային օլիմպիական խաղերի համար:
Ֆերդինանդ Կարապետյանը Փարիզից կմեկնի Համբուրգ, որտեղ Արսեն Ղազարյանի հետ (73 կգ) կմասնակցեն միջազգային ուսումնամարզական հավաքի: 10-օրյա հավաքից հետո, մեր երկու ձյուդոյիստները Դյուսելդորֆում հանդես կգան «Գրան Պրի» միջազգային վարկանիշային մրցաշարում:
ՀԱՅԵՐԵՆ
Русский
English
Դաս. հայերեն
French
