«Երկիր Ծիրանիի» ավագանու կին անդամների «բախտը բերել է», որ Առաքել Մովսիսյանը քաղաքապետարանում չի եղել. «Հայկական ժամանակ»
13-02-2018 19:37:09 | Հայաստան | Ի՞նչ է գրում մամուլը
Այսօր Երեւանի ավագանու նիստի ժամանակ տեղի ունեցած սկանդալի շուրջ «Հայկական ժամանակ»-ը կարծիք հարցրեց ՀՀԿ-ական նախկին պատգամավոր Առաքել Մովսիսյանից՝ Շմայսից: Մասնավորապես՝ հետաքրքրվեցինք, թե ի՞նչ կարծիք ունի, որ տղամարդը կնոջ վրա ձեռք է բարձրացնում:
«Հիմա ինձ ես խոսացնու՞մ, դե ես ասեմ՝ էդ կեղտոտ նյութը, որ բերել են ու ուզեցել են լցնել քաղաքապետի վրա, թող տանեին իրանց տները լցնեին: Ես որ ընդեղ լինեի, գիտես ինչ կանեի էդ կանանց, բախտները բերել է, որ չեմ եղել»,- ասաց Առաքել Մովսիսյանը:
«ՀԺ»-ի հարցին, թե ի՞նչ կաներ, Մովսիսյանն ասաց.
«Էլ չեմ խորանում, թե ինչ կանեի, ՀՀԿ-ի տղամարդիկ ինչ արել են, լավ են արել»,- ասաց նա եւ անջատեց հեռախոսազանգը
Հիշեցնենք, պատգամավոր աշխատելու տարիներն Առաքել Մովսիսյանը հայտարարել էր, թե կբռնաբարի այն մարդուն, ով կհամարձակվի նախկին Պնախարար Սեյրան Օհանյանի մասին վատ բան ասել:
ՀԱՅԵՐԵՆ
Русский
English
Դաս. հայերեն
French
