Գործազրկության և զբաղվածության մակարդակը. 2017-ի 3-րդ եռամսյակի տվյալները հայտնի են
16-02-2018 10:38:34 | Հայաստան | Ի՞նչ է գրում մամուլը
past.agency Ազգային վիճակագրական ծառայության պաշտոնական կայքում հրապարակվել է նախորդ տարվա 3-րդ եռամսյակում գրանցված գործազրկության և զբաղվածության մակարդակների վերաբերյալ ցուցանիշները:
2017թ երրորդ եռամսյակում հանրապետությունում գրանցված գործազրկության մակարդակը 2016 թվականի համեմատ նվազել է՝ կազմելով 16,5 տոկոս: 2016թ. այդ ցուցանիշը կազմել է 18 տոկոս:
Past.am-ը ԱՎԾ տվյալներից տեղեկանում է, որ 2017թ. հունվար-դեկտեմբեր ամիսների ընթացքում հանրապետությունում պաշտոնապես գրանցված գործազուրկների թիվը կազմել է 76 700 մարդ: 2016 թվականի համեմատ այս ցուցանիշը ևս նվազել է՝ 2016թ. այն կազմել է 79 200 մարդ:
Ինչ վերաբերում է 2017թ. զբաղվածության մակարդակին, ապա անցած տարվա երրորդ եռամսյակում այն կազմել է 52,9 տոկոս: 2016 թ. համեմատ այս ցուցանիշն ավելացել է: 2016 թ. զբաղվածության մակարդակը կազմել էր 50 տոկոս:
2017թ. 3-րդ եռամսյակում զբաղվածների ցուցանիշը կազմել է 1032 800 մարդ, իսկ 2016 թվականին՝ 1006 200:
ՀԱՅԵՐԵՆ
Русский
English
Դաս. հայերեն
French
