«Հայաստանը սիրում են ճանաչելով». Էդուարդ Շարմազանով

22-02-2018 17:46:00   | Հայաստան  |  Մամլո հաղորդագրություն
ՀՀ ԱԺ նախագահի տեղակալ Էդուարդ Շարմազանովը փետրվարի 21-ին հանդիպել է Խաչատուր Աբովյանի անվան հայկական պետական մանկավարժական համալսարանի պատմության եւ իրավագիտության ֆակուլտետի հասարակագիտություն բաժնի դասախոսների եւ ուսանողների հետ, ովքեր Ազգային ժողովում էին ուսումնաճանաչողական այցի շրջանակում:
ԱԺ փոխնախագահի տեղակալի հետ ծավալված զրույցի ընթացքում անդրադարձ է կատարվել սահմանադրական բարեփոխումների իրականացման շարժառիթներին, խորհրդարանական կառավարման համակարգի առավելություններին, իրականացվող լայնածավալ բարեփոխումներին, ՀՀ նախագահի եւ վարչապետի ընտրության կարգին, ընդդիմություն-իշխանություն հարաբերություններին, երկրի ներքին ու արտաքին քաղաքական օրակարգի կարեւորագույն խնդիրներին:
 

Անդրադառնալով արտաքին քաղաքական գործընթացներին՝ Էդուարդ Շարմազանովը ներկայացրել է Հայաստանի իշխանությունների իրականացրած քայլերը եւ մոտեցումները: Նրա խոսքով՝ նախաձեռնողական քաղաքականության շնորհիվ մեր երկիրը միակն է, որն անդամակցում է ԵԱՏՄ-ին եւ համաձայնագիր է ստորագրել ԵՄ-ի հետ:
ՀՀ ԱԺ փոխնախագահն անդրադարձել է նաեւ Հայոց ցեղասպանության եւ Արցախի անկախության ճանաչման գործընթացներում ունեցած ձեռքբերումներին:
Խոսելով ազգային արժեքների պահպանման կարեւորության մասին՝ Էդուարդ Շարմազանովը կարծիք է հայտնել, որ յուրաքանչյուր հայի առաքելությունը պետք է լինի Հայաստանում ապրելու եւ երկիրը շենացնելու գիտակցումը:
«Հայաստանը սիրում են ճանաչելով»,-ասել է ՀՀ ԱԺ փոխխոսնակը՝ հորդորելով երիտասարդներին ամեն օր զարգացնել գիտելիքները Հայաստանի եւ հայ ժողովրդի պատմության վերաբերյալ, հպարտանալ նշանավոր հայորդիներով եւ մեծարել նրանց: 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 64 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար