Եվրոպայում ուժեղ սառնամանիքի պատճառով 49 մարդ է մահացել
01-03-2018 16:04:08 | | Հասարակություն
Եվրոպայում վերջին օրերին արձանագրված ուժեղ սառնամանիքի պատճառով առնվազն 49 մարդ է մահացել: Interfax-ի փոխանցմամբ՝ սառնամանիքից ավելի շատ մահացել են Լեհաստանում:
Այդ երկրի ոստիկանությունը հաղորդել է, որ միայն փետրվարի ընթացքում մահացել է 32 մարդ:
Չեխիայում սառնամանիքի զոհ է դարձել 8 մարդ, Իտալիայում՝ երկու թափառական, իսկ Ֆրանսիայում, որտեղ թափառականներն ունեն կացարան, ուրբաթ օրվանից չորս մարդ է մահացել:
Բրիտանական ԶԼՄ-ներն իրենց հերթին հայտնել են, որ Լոնդոնի մոտակայքում գտնվող Ուելինգ քաղաքում տղամարդ է մահացել, որի մարմինը դուրս են բերել սառցակալած լճից: Վերջինս փորձել էր փրկել իր շան կյանքը:
Մեկ մարդ էլ մահացել է իսպանական Աստուրիա նահանգում: Տարեց տղամարդը մահացել է այն բանից հետո, երբ գետում նավարկելիս՝ հայտնվել է սառույցի տակ:
ՀԱՅԵՐԵՆ
Русский
English
Դաս. հայերեն
French
