Միշտ պետք է պատրաստ լինենք Ադրբեջանի ցանկացած սադրանքին. Շավարշ Քոչարյանը՝ զորավարժությունների մասին․«Արմենպրես»
15-03-2018 13:08:21 | Հայաստան | Ի՞նչ է գրում մամուլը
ՀՀ արտաքին գործերի նախարարի տեղակալ Շավարշ Քոչարյանը կարծում է, որ հայկական կողմը միշտ պետք է պատրաստ լինի Ադրբեջանից կողմից ցանկացած սադրանքի: Այդ մասին Քոչարյանը նշեց կառավարության նիստից հետո լրագրողների հետ զրույցում՝ անդրադառնալով Ադրբեջանում այս օրերին անցկացվող լայնամասշտաբ զորավարժություններին և այն մեկնաբանություններին, որ այդպիսով Ադրբեջանը պատրաստվում է պատերազմի:
«Բնական է, մենք դրանց հետևում ենք, միշտ պետք է պատրաստ լինենք նրանց կողմից ցանկացած քայլի: Տվյալ պարագայում կարող են լինել տարբեր մեկնաբանություններ, նաև նախընտրական շրջան է, բայց պետք չէ միայն դրանով բացատրել զորավարժությունների անցկացումը, պետք է միշտ ուշադիր լինել Ադրբեջանի գործողություններին: Մենք միշտ պետք է պատրաստ լինենք Ադրբեջանի կողմից ցանկացած սադրանքի»,- «Արմենպրես»-ի փոխանցմամբ, ասաց Քոչարյանը:
Ադրբեջանը մարտի 12-ին սկսած զորավարժություններին ներգրավված ռազմական միավորների թվով ակնհայտորեն խախտում է ԵԱՀԿ Վիեննայի 2011 թվականի փաստաթուղթը՝ ՝ երկրում իրականացվող զորավարժությունների մասին չտեղեկացնելով անդամ երկրներին:
ՀԱՅԵՐԵՆ
Русский
English
Դաս. հայերեն
French
