Գիտնականները սմարթֆոններին «մեղադրել» են մարդկանց հոգեկանը խանգարելու մեջ
15-03-2018 14:58:51 | | Գիտություն եւ տեխնոլոգիաներ
Գիտնականները հաստատել են, որ սմարթֆոնները կարող են խթանել հոգեկանի հետ կապված խնդիրների առաջացումը:
Korrespondent-ի փոխանցմամբ, մասնավորապես, հաստատվել է, որ մշտական զանգերը և ծանուցումները ստիպում են սթրեսի հորմոններին գործել: Արդյունքում պաշտպանական «հարվածիր կամ փախիր» արձագանքն է առաջանում:
Փորձագետները հայտարարել են, որ ամերիկացի ուսանողների 89 տոկոսը դժգոհել է վիբրազանգերից, անգամ այն ժամանակ, երբ սմարթֆոնն անջատված է:
Միևնույն ժամանակ 86 տոկոս ամերիկացիներ դժգոհել են, որ մշտապես ստուգում են էլեկտրոնային փոստը և սոցիալական ցանցերի իրենց էջերը:
Հետազոտողներից մեկի՝ էնդոկրինոլոգ Ռոբերտ Լյուստինգի խոսքերով՝ հեռախոսային ծանուցումներն ուղեղը «վարժեցնում են» մշտական սթրեսին և վախին: Արդյունքում գլխուղեղի մերձճակատային մասը, որը պատասխանատու է բարձր կարգի ճանաչողական գործառույթների համար, դադարում է լիարժեք գործել:
Սա իր հերթին հանգեցնում է սթրեսի կուտակման և հիվանդագին իրավիճակների: