Սիրիայի հարցով հաջորդ գագաթնաժողովներն անցկացվելու են Ստամբուլում և Թեհրանում

16-03-2018 13:47:08   |   |  Հասարակություն
 


Սիրիայի հարցով Ռուսաստանի, Թուրքիայի և Իրանի մասնակցությամբ հաջորդ գագաթնաժողովներն անցկացվելու են Ստամբուլում և Թեհրանում: 
 
Tass-ի փոխանցմամբ՝ այդ մասին Աստանայում կայացած մամուլի ասուլիսի ժամանակ հայտարարել է Թուրքիայի արտգործնախարար Մևլութ Չավուշօղլուն: 
 
Նշվում է, որ Սիրիայի հարցով Ռուսաստանի, Թուրքիայի և Իրանի մասնակցությամբ գագաթնաժողովը նշանակվել է ապրիլի 4-ին և անցկացվելու է Ստամբուլում: 
 
Հիշեցնենք, որ 2017 թվականի նոյեմբերի 22-ին Ռուսաստանի, Իրանի և Թուրքիայի նախագահները հանդիպում էին ունեցել Սոչիում, որի ընթացքում հայտարարել էին Սիրիայում ահաբեկչության դեմ մղված պայքարում համատեղ ձեռք բերված էական հաջողությունների, նաև այդ երկրում ճգնաժամի կարգավորման նոր որակյալ փուլի մեկնարկի մասին: 
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 135 անգամ
 
Noyan Tapan - Նոյյան տապան
Facebook Group · 3 333 անդամ
Միանալ խմբին
Խումբը ստեղծվել է «Նոյյան տապանի» հեռուստակամուրջ - հաղորդաշարի համակիրների համար, որպեսզի վերջիններս հնարավորություն ունենան. - Արտահայտել իրենց կածի...