Հաստատվել են համայնքների կողմից սուբվենցիաներ ստանալու 4 հայտեր

16-03-2018 15:58:28   | Հայաստան  |  Մամլո հաղորդագրություն
Սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի առաջին նիստում ՀՀ տարածքային կառավարման և զարգացման նախարարություն տարբեր մարզերից ներկայացված 4 հայտեր դրական եզրակացություն են ստացել:
 


Սուբվենցիայի նոր կարգի համաձայն` համայնքի կողմից կապիտալ որևէ ծրագիր (մեքենա-սարքավորումների գնում, ենթակառուցվածքների կառուցում և այլն) ներկայացվելու և կառավարության կողմից դրական եզրակացություն ստանալու դեպքում այդ ծրագրի արժեքի մի մասը համաֆինանսավորվում է պետության կողմից ։ Պետության աջակցությունը պայմանավորված է կոնկրետ ծրագրի առանձնահատկությամբ և տվյալ համայնքի սոցիալ-տնտեսական իրավիճակի վրա այդ ծրագրի ազդեցությամբ:
Մարտի 15-ին կայացած միջգերատեսչական հանձնաժողովի նիստում հաստատվել են հետևյալ ծրագրերը.
Արագածոտնի մարզից հաստատվել է 2 ծրագիր՝ Արագածավան խոշորացված համայնքի 4 բնակավայրերի փողոցային լուսավորության, իսկ Արտենի բնակավայրում` մանկական այգի ստեղծելու ծրագիր:
Գեղարքունիքի մարզից հաստատվել է Սևան քաղաքում 3 փողոցների հիմնանորոգման և ասֆալտապատման ծրագիրը:
Շիրակի մարզից հաստատվել է Գյումրիի Մուշ 2/2 թաղամասում կանաչապատված և բարեկարգված հրապարակի ստեղծման ծրագիրը:
Ծրագրերի հաստատումից հետո առաջարկվելու է համայնքապետերին, որ համայնքները վերոնշյալ ծրագրերի համար, ՀՀ օրենսդրությամբ սահմանված կարգով մրցույթներ հայտարարեն, ինչից հետո կսկսվի ծրագրերի իրականացումը:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 88 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար