Շիրակի մարզի դատախազը պահանջում է հաշվառել մարզում գործող մարմնավաճառներին. «Ժողովուրդ» (տեսանյութ)
16-03-2018 18:02:41 | Շիրակի մարզ | Ի՞նչ է գրում մամուլը
Մարմնավաճառներին հաշվառելու մասին Շիրակի մարզի դատախազի հանձնարարականը իրականացվել է:
«Ժողովուրդ» օրաթերթին հայտնի դարձավ, որ այս պահի դրությամբ Շիրակի մարզում հաշվառված է 61 մարմնավաճառ: Հիշեցնենք` 2018 թվականի փետրվարի 7-ին Շիրակի մարզի դատախազ Կարեն Գաբրիելյանը հայտնել էր, որ մարզում 2017 թվականին արձանագրվել է 5 քրեական գործ: Դրանք հարուցվել են ՀՀ քրեական օրենսգրքի 262 հոդվածի հատկանիշներով, այն է՝անձանց կողմից պոռնկությամբ զբաղվելուն նպաստելը. «Նշված քրեական գործերը բոլորն ուղարկվել են դատարան, որոնցից մի մասով արդեն ունենք մեղադրական դատավճիռներ, մյուս մասը գտնվում է դատաքննության փուլում: Իրականում պարզվել է, որ նույն մարմնավաճառներն իրենց, այսպես ասած, գործունեությունը ծավալել են մի շարք օբյեկտներում»,- նշված էր դատախազի գրության մեջ:
Արդյունքում` Կարեն Գաբրիելյանը իրավիճակը կարգավորելու համար միջնորդագիր էր հասցեագրել պատկան մարմիններին` նման մարմնավաճառներին հաշվառելու, նրանց նկատմամբ վարչական պատասխանատվություն կիրառելու ու տվյալ հաստատությունների գործունեությունը կանոնակարգելու ուղղությամբ:
ՀԱՅԵՐԵՆ
Русский
English
Դաս. հայերեն
French
