Նվիրաբերված դպրոցական շենքերը կօգտագործվեն կրթական նպատակներով
19-03-2018 18:11:17 | Հայաստան | Մամլո հաղորդագրություն
Երևանի ավագանու հերթական նիստում, որը վարել է քաղաքապետ Տարոն Մարգարյանը, ավագանու անդամների քննարկմանն է ներկայացվել Երևան քաղաքի Ռուսթավելու փողոցի 17 հասցեում գտնվող Երևանի նախկին Շ. Ռուսթավելու անվան հ. 23 հիմնական դպրոցի և Երևան քաղաքի Թաիրովի փողոցի 14 հասցեում գտնվող Երևանի նախկին հ. 81 միջնակարգ դպրոցի շենքերը, կաթսայատները, օժանդակ շինություններն ու դրանցով ծանրաբեռնված հողամասերը Երևան համայնքի կողմից որպես նվիրաբերություն ընդունելու մասին որոշման նախագիծը:
Համաձայն ներկայացված նախագծի` վերոնշյալ շենքերը ՀՀ կառավարության համապատասխան որոշմամբ նախատեսվել են նվիրաբերել Երևան համայնքին՝ դրանցում նախադպրոցական կրթություն (մանկապարտեզ) և (կամ) արտադպրոցական դաստիարակություն (երաժշտական, սպորտի, արվեստի դպրոց և այլն) կազմակերպելու նպատակով:
Երևանի ավագանին քվեարկությամբ հաստատել է որոշումը:
Նիստի օրակարգում ընդգրկված մյուս հարցերը ևս արժանացել են ավագանու հավանությանը: Ավագանու նիստին հաջորդել է հարցուպատասխանը:
Երևանի ավագանու հերթական հաջորդ նիստը տեղի կունենա ապրիլի 27-ին:
ՀԱՅԵՐԵՆ
Русский
English
Դաս. հայերեն
French
