ՆԱՍԱ-ն «միջուկային» տիեզերանավ է ստեղծում աստերոիդների դեմ պայքարելու համար.tert.am
19-03-2018 18:45:44 | ԱՄՆ | Ի՞նչ է գրում մամուլը
tert.am ՆԱՍԱ-ի (Օդագնացության և տիեզերական տարածության հետազոտությունների ազգային գործակալություն) և ԱՄՆ միջուկային գործակալությունների մասնագետները մշակում են 8 տոննանոց HAMMER տիեզերանավի նախագիծը, որի գլխավոր առաջադրանքը կլինի Երկրին մոտ վտանգավոր աստերոիդների ոչնչացումը հիպերձայնային կամ միջուկային զենքով: Այս մասին ասվում է Acta Astronautica ամսագրում հրապարակված հոդվածում:
«Չնայած այսօր Երկրի վրա աստերոիդ ընկնելու հավանականությունն աննշան է, դրա հետևանքներն իսկապես աղետալի կլինեն: Մենք փորձեցինք հասկանալ՝ ինչպես ենք կարող նվազեցնել տիեզերական սպառնալիքին արձագանքելու համար պահանջվող ժամանակը և նույն ժամանակ դրան դիմադրելու համար առավելագույն հնարավոր տարբերակներն ունենալ: Մեր գլխավոր առաջադրանքը Երկրի վրա կյանքի պաշտպանությունն է ոչնչացումից»,- պատմել է նախագծի ղեկավար Քիրստեն Հոուլին: