Գարեգին Բ․-ի եղբոր ահազանգով Մոսկվայում ոստիկանները ցրել են հայ ցուցարարներին․ կան բերման ենթարկվածներ. (տեսանյութ)
23-04-2018 18:25:48 | Հայաստան |
Երեկ Մոսկվայում ոստիկանները ցրել են ի աջակցություն Հայաստանում «Իմ Քայլը» շարժմանը մոսկվաբնակ հայերի կազմակերպած հանրահավաքը եւ ձերբակալել մասնակիցներից մի քանիսին։
Այս մասին «Նոյյան Տապան»-ին տեղեկացրեց ազատամարտիկ Վանիկ Հայերայնը, ում հարազատը եղել է այդ հանրահավաքի մասնակիցներից մեկը։ Ըստ Վ․Հարեյանի, ոստիկանները հանրահավաքը ցրել են Ն.Ս.Օ.Տ.Տ. Գարեգին Բ․-ի կրտսեր եղբոր՝ Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանի ահազանգի արդյունքում։ Ամենայն Հայոց կաթողիկոսի եղբայրը չի հանդուրժել, որպեսզի բողոքի ակցիան անցկացվի եկեղեցու բակում, սակայն «եկեղեցին իրենց սեփականությունը չի հանդիսանում»,- նշում է Վանիկ Հայերայնը, ով պահանջում է, որպեսզի Ամենայն Հայոց կաթողիկոսը հետ կանչի իր եղբորը ՌԴ-ից։