Դրամի արժեզրկման սպառնալիք չեմ տեսնում. ԿԲ նախագահ Արթուր Ջավադյան․tert.am
24-04-2018 14:30:44 | Հայաստան | Ի՞նչ է գրում մամուլը
tert.am Ես դեռ լրիվ անալիզ չեմ արել, բայց անկախ կառույցները պարտավոր են լինել առաջին գծում` ապահովելով այս երկրի կայունությունը:
Այսօր Ծիծեռնակաբերդի հուշահամալիրում լրագրողների հետ զրույցում նման տեսակետ հայտնեց ԿԲ նախագահ Արթուր Ջավադյանը՝ անդրադառնալով Սերժ Սարգսյանի հրաժարականին:
Միևնույն ժամանակ նա նկատեց, որ ցանկացած անկայուն վիճակ իր հետ նաև ֆինանսական անկայունություն է բերում:
Հարցին՝ սպառնալիք կա՞, որ այս ընթացքում դրամը կարող է արժեզրկվել, ԿԲ նախագահը պատասխանեց. «Ես նման սպառնալիք չեմ տեսնում, բայց բոլոր այն միջոցառումները, որ մշտապես արել ենք, հիմա էլ իրականացնում ենք»:
Հիշեցնենք, որ երեկ՝ ապրիլի 23-ին, վարչապետ Սերժ Սարգսյանը հրաժարական տվեց: