Ծառայողական քննություն է նախապատրաստվում հանրահավաքին քննիչի ելույթի կապակցությամբ
26-04-2018 08:52:57 | Հայաստան | Մամլո հաղորդագրություն
Երեկ հանրահավաքին ելույթ է ունեցել Մալաթիա-Սեբաստիա վարչական շրջանի քննչական բաժնի քննիչը, ով հայտարարել է, որ միանում է ժողովրդին։
Քննչական կոմիտեն հաղորդագրություն է տարածել, որում տեղեկացվում է, որ ՀՀ Քննչական կոմիտեի ներքին անվտանգության վարչությունում նախապատրաստվում է ծառայողական քննություն Հանրապետության հրապարակում տեղի ունեցած հանրահավաքի ժամանակ Մալաթիա-Սեբաստիա վարչական շրջանի քննչական բաժնի քննիչի կատարած քաղաքական հայտարարության կապակցությամբ։
Հաղորդագրությունում, մասնավորապես, ասվում է․ «Հավաքների ազատության մասին» ՀՀ օրենքի 8-րդ հոդվածը, որը սահմանում է Հավաքներին մասնակցելու և հավաքներ կազմակերպելու սահմանափակումները, ուղղակի ամրագրում է, որ «Դատավորները, դատախազները, քննիչները, ինչպես նաև զինված ուժերում, ազգային անվտանգության, ոստիկանության և այլ ռազմականացված մարմիններում ծառայողները հավաքներին մասնակցելիս պետք է քաղաքական չեզոքություն և զսպվածություն ցուցաբերեն» և իրավունք չունեն կազմակերպելու այնպիսի հավաքներ, որոնք կարող են կասկածի տակ դնել իրենց քաղաքական չեզոքությունը։
ՀԱՅԵՐԵՆ
Русский
English
Դաս. հայերեն
French
