Վալերիյ Օսիպյանը ներկայացրել է նորանշանակ փոխոստիկանապետերին․Tert.am
19-05-2018 12:42:54 | Հայաստան | Ի՞նչ է գրում մամուլը
ՀՀ ոստիկանությունում այսօր երեք նշանակում է արվել։ ՀՀ ոստիկանապետ Վալերիյ Օսիպյանն այսօր ներկայացրել է երկու նոր փոխոստիկանապետերին և Կազմակերպված հանցագործության դեմ պայքարի գլխավոր վարչության պետին: Այս մասին Tert.am-ի հետ զրույցում ասաց ՀՀ ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը:
«ՀՀ ոստիկանության պետ Վարելիյ Օսիպյանը քիչ առաջ ղեկավար կազմին է ներկայացրել ոստիկանապետի առաջին տեղակալին՝ ոստիկանության գնդապետ Արման Սարգսյանին, ով մինչ այդ զբաղեցնում էր Քրեական հետախուզության գլխավոր վարչության պետի առաջին տեղակալի պաշտոնը և Հովհաննես Քոչարյանին, ով մինչ այս զբաղեցնում էր ոստիկանության շտաբի պետի պաշտոնը»,-ասաց Ջանոյանը։
Նրա տեղեկացմամբ՝ նշանակում եղել է նաև կազմակերպված հանցավորության դեմ պայքարի գլխավոր պետի պաշտոնում, որը զբաղեցնելու է Արտակ Կարապետյանը, ով մինչ այս զբաղեցրել էր Շիրակի մարզային վարչության պետի պաշտոնը:
Նշենք, որ Արտակ Կարապետյանը նախքան Շիրակի մարզային վարչության պետ նշանակվելը Վալերիյ Օսիպյանի հետ միաժամանակ աշխատել է Երևան քաղաքի վարչության վետի մյուս տեղակալի պաշտոնում:
Նշենք, որ ոստիկանապետի առաջին տեղակալի պաշտոնը նախկինում զբաղեցնում էր Հունան Պողոսյանը, ով ՀՀ նախկին ոստիկանապետ Վլադիմիր Գասպարյանից հետո հրաժարականի դիմում ներկայացրեց, Վլադիմիր Գասպարյանի մյուս տեղակալին՝ Վարդան Եղիազարյանին փոխարինել է Հովհաննես Քոչարյանը: Արտակ Կարապետյանից առաջ ԿՀԴՊ ԳՎ պետի պաշտոնը զբաղեցնում էր Ռաֆիկ Զաքարյանը:
ՀԱՅԵՐԵՆ
Русский
English
Դաս. հայերեն
French
