Սիրիայում հայտնաբերվել է ՆԱՏՕ-ի արտադրության մի ողջ զինապահեստ
22-05-2018 08:27:45 | ԱՄՆ | Քաղաքական
Սիրիայի Հոմս նահանգում, ՌԴ պաշտպանության նախարարության «Զվեզդա» հեռուստաալիքի տեղեկացմամբ, ահաբեկիչների զենքերի խոշոր պահեստ է հայտնաբերվել: Այնտեղ առկա են եղել ՆԱՏՕ-ի անդամ երկրների արտադրության նորագույն սպառազինության ու զրահատեխնիկայի օրինակներ։
«Պահեստը հայտնաբերվել է «Ալ-Նուսրա ճակատ» ահաբեկչական խմբավորման կենտրոնակայանում»,- ըստ «Զվեզդա» հեռուստաալիքի, ասել է Սիրիայում հակամարտող կողմերի հաշտեցման կենտրոնի խոսնակ Անդրեյ Նիկիպուլովը:
«Հայտնաբերված զենքերի մեծ մասը Հյուսիս-ատլանտյան դաշինքի՝ ՆԱՏՕ-ի անդամ երկրների արտադրություն է,- հավելել է Անդրեյ Նիկիպուլովը:- Ահաբեկիչները մեծ քանակության նորագույն սպառազինությունն ու զրահատեխնիկան թողել էին այդ պահեստում»:
Տեղեկացվում է նաև, որ ահաբեկիչները Սիրիայի բանակի համաձայնեցված կերպով այլ շրջաններ տեղափոխվելուց հետո, պահեստում թողել են նաև հակատանկային սպառազինություն, ականանետային համակարգեր, տանկեր և այլն:
Սիրիայի նախագահ Բաշար Ասադը վերջերս հայտարարել է, որ Սիրիայում Միացյալ Նահանգների միակ առաքելությունն ահաբեկիչներին օգնելն է: Օրերս արաբական Ալ-Յոմ լրատվական գործակալությունը տեղեկացրել է, որ ԻԼԻՊ ահաբեկչական խմբի զինյալներն ԱՄՆ զորքերի օգնությամբ անցել են Եփրատ գետը և մտել Սիրիայի հարավ-արևմտքում գտնվող Դեյր էլ Զորի անապատային տարածքներ: ԱՄՆ-ի ինքնաթիռները երկնքից զենքով ու զինամթերքով լի խոշոր ծանրոցներ են նետել «Իսլամական պետության» ահաբեկիչների համար: Ահաբեկիչներն անհրաժեշտ զենքերն ու զինամթերքը տեղափոխում են Սիրիայի Դեյր էլ Զոր նահանգի Հաֆրաթ տարածք:
ՀԱՅԵՐԵՆ
Русский
English
Դաս. հայերեն
French
