ՏՏ ոլորտում հայկական կրթական ծրագրով հետաքրքրված են տարբեր երկրներում. ՏԵՍԱՆՅՈՒԹ
23-05-2018 19:11:59 | Հայաստան | Գիտություն եւ տեխնոլոգիաներ
Այսօր Հանրապետության ավելի քան 240 դպրոցներում գործում են «Արմաթ» ինժեներական լաբորատորիաները, որտեղ ինժեներական կրթություն են ստանում շուրջ 5000 աշակերտներ:
Ինչպես մայիսի 23-ին կայացած Ինֆորմացիոն տեխնոլոգիաների ձեռնարկությունների միության (ԻՏՁՄ) 18-րդ տարեկան համաժողովի ընթացքում տեղեկացրեց ԻՏՁՄ նախագահ Ալեքսանդր Եսայանը, ՏՏ ոլորտում հայկական կրթական ծրագրով հետաքրքրված են տարբեր երկրներում:
««Գրանթ թորոնթոն» ընկերության հետ մենք կատարեցինք հետազոտություն, թե ինչպիսի ազդեցություն են ունեցել ինժեներական լաբորատորիաներն ընդհանուր կրթության ոլորտում, և ունենք լավ իմաստով ապշեցուցիչ տվյալներ: Երկրից դուրս պայմանավորվածություն ունենք Հնդկաստանի, Եթովպիայի հետ, և շատ ուրախ ենք, որ մեր կրթական ծրագրով հետաքրքրված են տարբեր երկրներում»,- ընդգծեց Ա. Եսայանը:
Նշենք, որ ԻՏՁՄ 18-րդ համաժողովին ներկա էր նաև վարչապետ Նիկոլ Փաշինյանը, ինչպես նաև օտարերկրյա դեսպաններ, ոլորտը ներկայացնող կազմակերպությունների ներկայացուցիչներ: