Վանաձորում կկայանա «Երեխաների խնամքի և պաշտպանության լավագույն մարզական հաստատություն» մրցույթի եզրափակիչ փուլը
24-05-2018 16:04:48 | Հայաստան | Սպորտ
Մայիսի 25-ին «Հայաստան» մարզական հասարակական կազմակերպության Վանաձորի քաղաքային մասնաճյուղի մարզահամալիրում կկայանա ՀՀ սպորտի և երիտասարդության հարցերի նախարարության կողմից անցկացվող «Երեխաների խնամքի և պաշտպանության լավագույն մարզական հաստատություն» մրցույթի եզրափակիչ փուլը:
Մրցույթին կմասնակցեն Հայաստանի Հանրապետության 12 հաստատությունների թիմերը, որոնք կազմավորվել են մրցույթի առաջին փուլի արդյունքների հիման վրա:
Մրցանակային 1-ին, 2-րդ և 3-րդ տեղերը գրաված թիմերին կհանձնվեն ՀՀ սպորտի և երիտասարդության հարցերի նախարարության վկայագրեր, շնորհակալագրեր, մարզագույք, գավաթներ և մեդալներ:
ՀՀ սպորտի և երիտասարդության հարցերի նախարարությունը «Երեխաների խնամքի և պաշտպանության լավագույն մարզական հաստատություն» մրցույթի բոլոր մասնակից երեխաների համար նախապատրաստել է մարզահագուստներ: Մարզագույքով կպարգևատրվեն նաև 4-12-րդ տեղերը գրաված հաստատությունների թիմերը: