Առյուծների, գայլերի ու արջերի նոր ազատավանդակներով Երևանի կենդանաբանական այգին կբացի 2018-ի ամառային տարեշրջանը (տեսանյութեր)
24-05-2018 23:44:56 | Հայաստան | Հասարակություն
Մայիսի 26-ին բացվելու է Երևանի կենդանաբանական այգու ամառային տարեշրջանը: Այս կապակցությամբ Երևանի կենդանաբանական այգին իր ֆեյսբուքյան էջում կատարել է հետևյալ գրառումը.
«Սիրելի համաքաղաքացիներ և մայրաքաղաքի հյուրեր, մայիսի 26-ին, ժամը 12:00-ին հրավիրում ենք Երևանի կենդանաբանական այգի՝ մասնակցելու ամառային տարեշրջանի և առյուծների, գայլերի ու արջերի նոր ազատավանդակների պաշտոնական բացման կապակցությամբ կազմակերպված միջոցառումներին, որոնց մեծ մասը լինելու են Այգու հանրային տարածքում:
Իսկ բուն Այգու մուտքի տոմսերն այդ օրը կլինեն ամենաէժանը՝ 600 դրամ մեծերի և 200 դրամ փոքրերի համար»:
Երևանի քաղաքապետ Տարոն Մարգարյանն անցյալ տարի հավաստել էր, որ առյուծների, գայլերի և արջերի համար նախատեսված նոր ազատավանդակները, որոնց կառուցումը դեո շարունակվում էր, համապատասխանելու են միջազգային չափորոշիչներին:
Տեղեկացվել էր, որ մասնավորապես առյուծների ազատավանդակն ունենալու է 3500 քմ տարածք, արհեստական ջրվեժներ ու հարակից ժայռեր: