Մթնոլորտի «քավորը» Սերժ Սարգսյանն է եղել. Դավիթ Սանասարյանը՝ Մանվել Գրիգորյանի մասին
18-06-2018 15:46:02 | Հայաստան | Հասարակություն
Պատերազմական վիճակում գտնվող պետության համար նման հանցագործություններն ուղղակիորեն դավաճանության հավասար բաներ են:
Այս մասին հունիսի 18-ին կառավարության արտահերթ նիստից հետո լրագրողների հետ ճեպազրույցում նշեց Պետական վերահսկողական ծառայության պետ Դավիթ Սանասարյանը՝ անդրադառնալով Երկրապահ Կամավորական Միության վարչության նախագահ, «Արցախի հերոս» Մանվել Գրիգորյանի առանձնատներից հայտնաբերվածի վերաբերյալ ԱԱԾ-ի հրապարակած տեղեկատվությանը:
Ըստ նրա՝ ցանկացած գողություն քրեորեն պատժելի է, հատկապես ՊՆ-ի դեպքում:
Լրագրողի այն հարցին, թե արդյոք տեղի ունեցածը Սերժ Սարգսյանի հովանավորությամբ է եղել, Դ. Սանասարյանը նշեց.
«Մթնոլորտի քավորը Սերժ Սարգսյանն է եղել, երբ Մանվել Գրիգորյանը թույլ է տվել այս կամ այն արարքները, դրա միակ պատասխանատուն նախկին իշխանության առաջին դեմքն է»:
Անդրադառնալով լրագրողների մյուս դիտարկմանը, թե նախկին իշխանավորները սկսել են լքել Հայաստանը՝ ծառայության ղեկավարը նկատեց, որ անհասանելի կղզիներ չկան:
ՀԱՅԵՐԵՆ
Русский
English
Դաս. հայերեն
French
