ՀՀԿ խմբակցությունը պետք է ծնկաչոք ներողություն խնդրի. Իրավապաշտպան

18-06-2018 17:47:50 | Հայաստան | Քաղաքական

ՀՀԿ պատգամավորական խմբակցությունը ողջ կազմով վաղը ԱԺ-ում պետք է ծնկաչոք ներողություն խնդրի բոլոր երեխաներից, որոնց թաթիկներով գրված նամակները իրենց խմբակցության անդամը գողացել է զինվորներից, որոնք այդպես էլ չեն ստացել այդ այնքան սպասված, քաջալերող, աջակցող, սիրով լի նամակները:

ՀՀԿ խմբակցությունը պետք է ողջ կազմով ԱԺ-ում ծկաչոք ներողություն խնդրի ՀՀ քաղաքացիներից` իրենց խմբակցության անդամի անմարդկային վերաբերմունքի համար:

Ունեք մարդ մնալու վերջին քայլը կատարելու, նաև մեր բոլորի մեջ Ձեր նկատմամբ գեթ մեկ կաթիլ մարդկայինը չվերացնելու համար:

Դա բոլորիս է պետք. և Ձեզ, և մեզ է պետք` մեծից փոքրին է պետք:

Եվ պահանջում եմ այդ քայլը կատարել` մենք բոլորս դեռ ապրելու ենք այս ամենով, բայց գոնե Ձեր կողմից մեղքի խոստովանությունը կօգնի թե Ձեզ, թե մեզ դառնությունը, վիրավորանքն ու ատելությունը հաղթահարած ապրենք:

Քաջություն ունեցեք և կատարեք Ձեզ մնացած մարդկային այդ եզակի քայլը:

Անխուսափելի իրավական պատասխանատվությունը չի տալու մարդկայինը պահպանելու այդքան անհրաժեշտը, անկախ նրանից ազատազրկված վիճակում, թե բանտից դուրս:

Կարևորը հոգու ազատությունն է անմարդկայնությունից:

Արթուր Սաքունց

Իրավապաշտպան

Նոյյան տապան - Քաղաքական