Ինչպես են Հովհաննես Հովսեփյանին թիկնապահների հետ բերման ենթարկում. Ոստիկանության տեսանյութեր․asekose.am

19-06-2018 15:04:48 | Հայաստան | Ի՞նչ է գրում մամուլը

asekose.am Երեկ ոստիկանության աշխատակիցները զինաթափել են Սերժ Սարգսյանի վերահսկողական ծառայության նախկին ղեկավար եւ ՊԵԿ նախկին պետ Հովհաննես Հովսեփյանին. վերջինիս ավտոմեքենաներում հայտնաբերվել է զենք-զինամթերք:

ՀՀ ոստիկանության հասարակայանության հետ կապերի եւ լրատվության վարչությունից մեզ փոխանցեցին, որ ՀՀ ոստիկանության կազմակերպված հանցավորության դեմ պայքարի գլխավոր վարչությունում տեղեկություններ են ստացվել, որ նախկին բարձրաստիճան պաշտոնյա Հովհաննես Հովսեփյանը երթեւեկում է թիկնազորով եւ մեքենաներում զենք-զինամթերք կա։

Հունիսի 18-ի գիշերը՝ ժամը 23-ն անց 40-ի սահմաններում, ոստիկանները Կիեւյան եւ Օրբելի փողոցների խաչմերուկում հատուկ գործողություն են իրականացրել։

Մեքենաներում հայտնաբերվել են ինքնաձիգ եւ ատրճանակ, որոնց օրինականությունը ստուգվում է։Մեքենաները տեղափոխել են ճանապարհային ոստիկանության պահպանվող հատուկ տարածք։

Դրանցից երկուսը եղել են փոխարինված համարանիշերով, ինչպես եւ մեքենաներում տեղադրված են եղել հատուկ ձայնային ազդանշաններ արձակելու սարքավորումներ, առկայծող փարոսիկներ, նաեւ ռադիոկապի միջոցներ։ Իրավախախտումների փաստերով կազմվել են արձանագրություններ։ Հանգամանքները պարզվում են։

Նոյյան տապան - Ի՞նչ է գրում մամուլը

Կարդացել են 538 անգամ

https://s1.merlive.am/Noian_Tapan/embed.html?autoplay=false&play

Ինչպես են Հովհաննես Հովսեփյանին թիկնապահների հետ բերման ենթարկում. Ոստիկանության տեսանյութեր․asekose.am

Noyan Tapan TV