Տիգրան Եղոյանը պատրաստվում է հերթով բացահայտել Եղեգիսում տեղի ունեցող տնտեսական և բնապահպանական հանցագործությունները (ՏԵՍԱՆՅՈՒԹ)
11-07-2018 16:54:23 | Հայաստան | Հասարակություն
Վայոց Ձորի մարզում, մասնավորապես, Եղեգիս խոշորացված համայնքում բնակիչների կյանքը վերածվել է մղձավանջի: Պատճառն ամռան այս սեզոնին ոռոգման ջուր չունենալն է:
Ինչպես «Նոյյան Տապան»-ի թղթակցի հետ զրույցում տեղեկացրեց ֆերմեր Տիգրան Եղոյանը, սարերից իջնող մոտ 3 կմ երկարություն ունեցող առվի հունը փոխվել է, որպեսզի ջուրը գնա և լցվի Պաշտպանության բանակի նախկին գեներալ Հովիկ Օհանյանին պատկանող ՀԷԿ-ի այսպես կոչված «պլատինան»:
Նրա խոսքերով՝ առվի հունը փոխելու պատճառով խաթարվել է 5-6 գյուղի ոռոգման համակարգի բնականոն գործընթացը:
Ֆերմերը շարունակում է ահազանգել նմանատիպ ապօրինությունների մասին՝ հրավիրելով ԱԱԾ-ի ուշադրությունը: Նա պատրաստվում է հերթով նկարահանել և ցույց տալ իր բնորոշմամբ՝ նշյալ համայնքում տեղի ունեցող տնտեսական և բնապահպանական հանցագործությունները:
Կից ներկայացնում ենք Տիգրան Եղոյանի տրամադրած տեսանյութը