Մեկնարկել է Համահայկական բնագիտական 4-րդ օլիմպիադան
13-07-2018 15:56:49 | Հայաստան | Մամլո հաղորդագրություն
Աղվերանում մեկնարկել է Համահայկական բնագիտական 4-րդ օլիմպիադան, որին մասնակցում է Հայաստանի Հանրապետության, Արցախի Հանրապետության և Սփյուռքի 5 երկրի (Իրան, Վրաստան, Քուվեյթ, Ֆրանսիա, Ռուսաստան) 14 տարեկանից բարձր թվով 50 դպրոցական: Նրանք մրցում են մաթեմատիկայի և ֆիզիկայի իմացության բնագավառներում:
Օլիմպիադայի կանոնակարգով նախատեսված է դպրոցականների մասնակցություն առնվազն մեկ առարկայական մրցույթի: Աշխատանքային լեզուն հայերենն է, սակայն մասնագիտական տերմինաբանությանը չտիրապետողների համար գրավոր առաջադրանքները պատրաստվել են նաև պարսկերեն, անգլերեն, ֆրանսերեն և ռուսերեն լեզուներով:
Օլիմպիադայի օրակարգով նախատեսված են նաև ճանաչողական, ուսուցողական և ժամանցային միջոցառումներ:
ՀԱՅԵՐԵՆ
Русский
English
Դաս. հայերեն
French
