«Վեոլիա Ջուրը» չի մեկնաբանում, բայց զգուշացնում է «Արազենին»

13-07-2018 16:57:41   | Հայաստան  |  Մամլո հաղորդագրություն
«Սիվիլնեթ» լրատվամիջոցն իր «Ազատամարդ» հաղորդաշարում ներկայացել է «Հայկական ջրաչափերը հայկական ջրին չեն սազում» վերտառությամբ հաղորդումը, որում «Արազեն» հայ-գերմանական համատեղ ձեռնարկության տնօրեն Արայիկ Սանթրոսյանը ջրաչափերի հավաքման արտադրամաս ծառայող ավտոտնակ հիշեցնող շինությունից պատմում է իր ընկերության «ազգանվեր» գործունեության մասին:
Վերջինս շուրջ 6 /վեց/ րոպե տևողությամբ տեսանյութում, հանրությանը մատուցած անթաքույց կերպով սեփական շահերից բխող կեղծ տեղեկատվությամբ փորձում է անվանարկել ոչ միայն «Վեոլիա Ջուր» ՓԲԸ, այլ նաև ոլորտի հետ առնչություն ունեցող պետական կառույցներին:
Նկատի ունենալով այն հանգամանքը, որ հաղորդման մեջ բարձրացված հարցը ՀՀ Վարչապետին և ՀՀ Տնտեսական մրցակցության պաշտպանության պետական հանձնաժողովին նույն «Արազեն» ՀՁ-ի կողմից ներկայացված դիմումների հիման վրա գտնվում է քննարկման փուլում, և որոնց կապակցությամբ «Վեոլիա Ջուր» ՓԲԸ ներկայացրել է իր հստակ դիրքորոշումը, Արայիկ Սանթրոսյանի կողմից իրականության հետ որևէ աղերս չունեցող լուրերի տարածումը «Վեոլիա Ջուր» ՓԲԸ գնահատում է որպես սադրանք և ձեռնպահ է մնում հետագա որևէ մեկնաբանությունից:
Միեւնույն ժամանակ, «Վեոլիա Ջուր» ՓԲԸ կոչ է անում «Արազեն» ՀՁ-ի տնօրենին վերջ տալ մեր ընկերության գործարար համբավն արատավորելուն ուղղած գործելաոճին, այլապես ստիպված կլինի իր իրավունքներն ու օրինական շահերը պաշտպանել դատական կարգով:
 


«Վեոլիա Ջուր» ՓԲԸ
Հանրային կապերի ծառայություն
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 203 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար