2018թ. առաջին կիսամյակում նախարարությունում ստացվել է 20.000-ից ավելի դիմում և գրություն


2018թ. առաջին կիսամյակում նախարարությունում ստացվել է 20.000-ից ավելի դիմում և գրություն

  • 17-07-2018 14:42:36   | Հայաստան  |  Հասարակություն

 
ՀՀ տրանսպորտի, կապի և տեղեկատվական տեխնոլոգիաների նախարարությունում 2018թ. հունվար-հունիս ամիսներին մուտքագրվել է 20408 դիմում և գրություն, որոնցից 782-ը եղել են քաղաքացիների դիմումներ: Դիմում-գրություններից 725-ը ստացվել են էլեկտրոնային փոստով: 
 
Նույն ժամանակահատվածում նախարարությունը զանգվածային լրատվամիջոցներից, քաղաքացիներից և իրավաբանական անձանցից առձեռն, էլեկտրոնային փոստով կամ պաշտոնական կայքի միջոցով ստացել է տեղեկություն ստանալու 89 հարցում: 
 
ՀՀ ազգային ժողովի պատգամավորներից ստացվել է 11 հարցում:
 
Բոլոր հարցումներին, դիմումներին և գրություններին ընթացք է տրվել օրենսդրությամբ սահմանված կարգով և ժամկետներում:
 
Նախարարության լիցենզավորման գործակալությունը «Մեկ պատուհան» սկզբունքով տրամադրել է ֆիզիկական անձանց կողմից մեկ մարդատար-տաքսի ավտոմոբիլով ուղևորափոխադրումներ կազմակերպելու 508 լիցենզիա և ներդիր, անհատ ձեռնարկատերերի և կազմակերպությունների կողմից մարդատար-տաքսի ավտոմոբիլով ուղևորափոխադրումներ կազմակերպելու գործունեության 15 լիցենզիա և 549 ներդիր, փոստային կապի գործունեության 1 ներդիր, արտաքին առևտրի դեպքում սահմանափակումների ենթակա ռադիոէլեկտրոնային և (կամ) քաղաքացիական օգտագործման բարձր հաճախականության, այդ թվում՝ ներկառուցված կամ այլ ապրանքների կազմի մեջ մտնող սարքեր ներկրելու 209 լիցենզիա:
 
2018 թ. առաջին կիսամյակում 188 քաղաքացիներ ստացել են ուղևորատար տրանսպորտով անվճար երթևեկելու վկայականներ:
 
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
Նոյյան տապան  -   Հասարակություն