Թրամփը Պուտինի գրպանում է

17-07-2018 16:07:40   | Հայաստան  |  Հոդվածներ
ԱՄՆ-ում նախագահ Դոնալդ Թրամփին խիստ քննադատության են ենթարկել Ռուսաստանի նախագահ Վլադիմիր Պուտինի հետ հանդիպման և դրան հաջորդած հայտարարությունների համար: Թրամփին խիստ քննադատության են ենթարկել անգամ Հանրապետական կուսակցության անդամները:
 


Հանդիպմանը Թրամփը հայտարարել է, որ Ռուսաստանը չի միջամտել 2016 թվականին կայացած նախագահական ընտրություններին:
 
Կոնգրեսի Ներկայացուցիչների պալատի խոսնակ Փոլ Ռայանը նշել է, որ կասկած չկա, որ Ռուսաստանը միջամտել է 2016 թվականի նախագահական ընտրություններին և շարունակում է ամբողջ աշխարհում ժողովրդավարությանը վնասելու փորձերը: Նախագահը Թրամփը պետք է գնահատի, որ Ռուսաստանը մեր դաշնակիցը չէ, ասել է Ռայանը: Կոնգրեսականը նշել է, որ ԱՄՆ ու Ռուսաստանի միջև չի կարող բարոյական հավասարություն լինել, Ռուսաստանը շարունակում է թշնամական լինել ամերիկյան արժեքների ու իդեալների նկատմամբ:
 
Ազգային հետախուզության տնօրեն Դեն Քոութսը նշել է, որ Ռուսաստանը պատասխանատու է ամերիկյան ժողովրդավարությունը քայլքայելու փորձերի համար:
 
Սենատոր Ջոն Մաքքեյնը հայտարարել է, որ նախկինում ամերիկյան ոչ մի նախագահ այսպես չի նվաստացել բռնապետի առաջ:
 
Հանրապետականների մեկ այլ ներկայացուցիչ, Սենատի ռազմական հարցերով հանձնաժողովի անդամ Լինդսի Գրեմը նշել է, որ հանդիպմանը բաց է թողնվել Ռուսաստանին 2016 թվականի միջամտության համար պատասխանատվության կանչելու հնարավորությունը:
 
ԿՀՎ նախկին տնօրեն Ջոն Բրենանն էլ Թրամփի հնչեցրած մտքերը դավաճանական է անվանել: Բրենանը նշել է, որ Թրամփն ամբողջությամբ Պուտինի գրպանում է:
 
 
 
Նոյյան տապան   -   Հոդվածներ
Լուրեր Հայաստանից եւ Սփյուռքից

Կարդացել են 539 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար