Երևանի նախկին քաղաքապետ Տարոն Մարգարյանը դեռևս չի հրավիրվել Ազգային անվտանգության ծառայություն (ԱԱԾ) , բայց առաջիկայում կհրավիրվի հարցաքննության «Երևան» հիմնադրամում հայտնաբերված չարաշահումների գործով:
Այս մասին ՀՀ կառավարության հուլիսի 19-ի նիստից առաջ լրագրողների հետ զրույցում տեղեկացրեց ԱԱԾ տնօրեն Արթուր Վանեցյանը:
Ըստ նրա՝ հիմնադրամում մեծածավալ ստուգումներ են իրականացվում, որոնք ավարտին են մոտենում:
Ա. Վանեցյանի փոխանցմամբ՝ Տ. Մարգարյանի անվամբ բիզնեսներ չեն հայտնաբերվել, իսկ նրա ունեցվածքի մասով առկա նյութերը կոռուպցիայի հակազդման գծով վարչապետի խորհրդական Արեն Մկրտչյանը փոխանցել է իրեն, որոնք պետք է ուսումնասիրվեն:
Անդրադառնալով Հայաստանի ֆուտբոլի ֆեդերացիայի (ՀՖՖ) նախագահի պաշտոնում իր առաջադրվելուն՝ ԱԱԾ տնօրենը նշեց, որ դեմ չէ ստանձնել այդ պաշտոնը, քանի որ սիրում է ֆուտբոլը:
ՀԱՅԵՐԵՆ
Русский
English
Դաս. հայերեն
French
