Ռոբերտ Քոչարյանի հարցաքննությունը կկայանա հուլիսի 26-ին․168.am
19-07-2018 15:43:36 | Հայաստան | Ի՞նչ է գրում մամուլը
168.am ՀՀ երկրորդ նախագահ Ռոբերտ Քոչարյանի հարցաքննությունը Հատուկ քննչական ծառայությունում նախատեսված է հուլիսի 26-ին: Ինչպես այսօր կառավարությունում լրագրողներին ասաց Հատուկ քննչական ծառայության պետ Սասուն Խաչատրյանը, ծանուցագիրն այդ օրվա համար արդեն տրված է Ռ.Քոչարյանին։
«Նախատեսվում է, որ նա հուլիսի 26-ին պետք է ներկայանա»,- ասաց Ս.Խաչատրյանը:
Նա հրաժարվեց պատասխանել հարցին՝ արդյոք ՀՀ առաջին նախագահ Լևոն Տեր-Պետրոսյանն ու ՀՀ վարչապետ Նիկոլ Փաշինյանը կհրավիրվե՞ն հարցաքննության, թե՞ ոչ։ ՀՔԾ պետը վստահեցրեց, որ անձերի հետ կապված որևէ սահմանափակում չկա, և Մարտի 1-ի գործով որպես վկա կարող է հրավիրվել ցանկացած ոք: