Ողբերգական պատահար Սևանում. ուղևորները տեղում մահացել են, կա տուժած․ԱԻՆ
21-07-2018 12:31:03 | Հայաստան | Հասարակություն
Հուլիսի 21-ին` ժամը 06:57-ին, «911» ծառայությանը տեղեկություն է հաղորդվել, որ Գեղարքունիքի մարզի Սևան քաղաքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-4 ավտոճանապարհի Իջևան-Երևան հատվածի մոտ 87-րդ կմ-ին «ՎԱԶ-21099» մակնիշի ավտոմեքենան (վարորդը՝ Գ. Ա.) դուրս է եկել ճանապարհի երթևեկելի հատվածից և բախվել պատին: Բախման հետևանքով ավտոմեքենայի ուղևորները՝ Գ. Բ.-ն և Վ. Հ.-ն տեղում մահացել են:
Փրկարարներն ավտոմեքենայից դուրս են բերել Գ. Ա.-ին և մոտեցրել շտապօգնության ավտոմեքենային, վերջինս հոսպիտալացվել է Սևանի ԲԿ: Բժիշկները տուժածի առողջական վիճակը գնահատել են բավարար:
Փրկարարները փակել են ավտոմեքենայի գազի բալոնի փականը և ավտոմեքենայից դուրս բերել Գ. Բ.-ի ու Վ. Հ.-ի դիերը:
ՀԱՅԵՐԵՆ
Русский
English
Դաս. հայերեն
French
