«Պետք է հասկանալ, որ ամեն ինչ մեկ հոգու ուսերին է, և դա մեծ ողբերգություն է». քաղաքագիտության դոկտոր Հայկ Ա. Մարտիրոսյան (տեսանյութ)
14-08-2018 20:44:26 | Հայաստան | Քննարկում
Քաղաքագիտության դոկտոր Հայկ Ա. Մարտիրոսյանի կարծիքով, դրվել է նոր Հայաստանի հիմքը, ամեն բան գնում է առաջ, բայց կա նաև մեկ այլ խնդիր:
«Պետք է հասկանալ, որ ամեն ինչ մեկ հոգու ուսերին է, և դա մեծ ողբերգություն է,- այսօր «Նոյյան Տապան» լրատվական կենտրոնի ուղիղ եթերում հեռարձակվող «Քննարկում» հաղորդաշարի ընթացքում ասաց քաղաքագիտության դոկտոր Հայկ Ա. Մարտիրոսյանը:- Այդ մեկ հոգին վարչապետն է, և ես տեղեկություններ եմ ստանում, որ նա զբաղվում է անգամ այնպիսի հարցերով, որոնցով ի պաշտոնե պարտավոր չէ զբաղվել, բայց ստիպված զբաղվում է, որովհետև այդ ամբողջ պատասխանատվությունը ստանձնել է իր վրա և փորձում է ամեն բան կարգի գցել, բայց դա մեկ մարդ է, և մեկ մարդը չի կարող բավարարել անսահմանափակ քանակությամբ աշխատանքներ կատարելու համար, որքան էլ, որ այդ եռանդը, էներգիան և ցանկությունն ունենա և ունի: Խնդիրը նրանում է, որ համակարգային դեռևս հսկայական փոփոխություններ կան անելու, կադրային դաշտում լուրջ խնդիրներ կան: Չեմ կարծում, թե մի հոգին կարող է դա հասցնել, բայց նաև դժվար է տեսնել մարդկանց մի լուրջ խումբ, զանգված, թվային առումով լուրջ, որը կարող է վարչապետի ուսերից վերցնել այդ հավելյալ բեռերը և կատարել դա: Այստեղ, կարծում եմ, խնդիրներ կան»:
Ըստ «Քննարկում» հաղորդաշարի հյուրի, վերոնշյալն իսկապես մեծ հիմնախնդիր է:
- Արդյո՞ք վտանգված է հեղափոխության հաղթանակը, քանի որ հակահեղափոխությունն արդեն լիդեր ունի։
- Ինչո՞վ է ուժեղ Քոչարյանը։ Ինչի վրա է հենվում Քոչարյանը՝ նախկին իշխանական թեւի՞, թե՞ արտաքին ուժերի։
- Արդյո՞ք Նիկոլ Փաշինյանը օգոստոսի 17-ի հանրահավաքում իր նոր գործողությունների մանդատ է ստանալու։
Նախկին նախագահ Ռոբերտ Քոչարյանին կալանքից ազատելու փաստի առնչությամբ «Նոյյան Տապան»-ի ուղիղ եթերում այս և այլ հարցեր են քննարկվել քաղաքագիտության դոկտոր Հայկ Մարտիրոսյանի հետ:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Մանրամասները՝ տեսանյութում
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետույալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։