Ոստիկանության բաժին միասեռականների մուտք գործելու փաստի առթիվ հարուցվել է քրգործ խուլիգանության հատկանիշներով. մեկ անձ ձերբակալված է․Tert.am
15-08-2018 17:14:24 | Հայաստան | Ի՞նչ է գրում մամուլը
Միասեռականների՝ ոստիկանության Կենտրոնի բաժին մտնելու փաստի առթիվ ՀՀ քննչական կոմիտեում հարուցվել է քրեական գործ խուլիգանության հատկանիշներով: Այս մասին Tert.am-ին հայտնեցին ՀՀ քննչական կոմիտեից:
«2018 թ. օգոստոսի 14-ին Երևանի ոստիկանության Կենտրոնականի բաժնում տեղի ունեցած դեպքի առթիվ հարուցվել է քրեական գործ ՔՕ-ի 258-րդ հոդվածի 3-րդ մասի 1-ին և 2-րդ կետերի հատկանիշներով, մեկ անձ ձերբակալվել է»,-հայտնեցին ՔԿ-ից:
Նշենք, որ ՔՕ-ի 258-րդ հոդվածը սահմանում է՝ խուլիգանությունը, որը կատարվել է մի խումբ անձանց կամ կազմակերպված խմբի կողմից և զուգորդվել է՝ իշխանության ներկայացուցչին կամ հասարակական կարգի պահպանության պարտականություն իրականացնող կամ հասարակական կարգի խախտումը խափանող անձին դիմադրություն ցույց տալով:
Հիշեցնենք, որ ՀՀ ոստիկանության լրատվության վարչությունը երեկ հաղորդագրություն էր տարածել այն մասին, որ միասեռականներից ահազանգ է ստացվել իրենց վրա հարձակվելու վերաբերյալ:
Ոստիկանները մարմնական վնասվածք պատճառելու կասկածանքով բերման են ենթարկվել ոստիկանություն: Այնուհետև ահազանգողները հավաքվել են ոստիկանության շենքի դիմաց, իսկ կասկածյալին բերման ենթարկելու պահին քաշքշուկ է սկսվել: Այդ ընթացքում մարմնական վնասվածք է ստացել ոստիկանության երկու ծառայողի, որոնցից մեկը տեղափոխվել է հիվանդանոց: Պարզվել է ոստիկաններին մարմնական վնասվածք պատճառածների ինքնությունը՝ երևանցիներ 21-ամյա Ժիրայր Հովհաննիսյան և 30-ամյա Մարատ Կիրիլյուկ:
ՀԱՅԵՐԵՆ
Русский
English
Դաս. հայերեն
French
