Ինչպես Երևանում հանցավոր կերպով ջուրը լցրեցին ճապոնացիների օգնությունը (տեսանյութ)
16-08-2018 21:29:21 | Հայաստան | Քննարկում
Դա կապված է Նուբարաշենի աղբավայրի հետ, որին առնչվող որոշ մանրամասներ այսօր «Նոյյան Տապան» լրատվական կենտրոնի ուղիղ եթերում հեռարձակվող «Քննարկում» հաղորդաշարի ընթացքում ներկայացրեց ու կատարվածը որպես հանցագործ երևույթ բնորոշեց «Տանիք» ՀԿ-ի նախագահ Հրայր Մելքոնյանը:
«2005 թվականին կնքվել է պայմանագիր, ճապոնական «Շիմիձու» ընկերությունը պետք է Նուբարաշենի աղբավայրի բազայի վրա ստանար բիոգազ, դրանով պետք է աշխատեցվեր մեկուկես մեգավատանոց ջերմակայանը, որի արտադրած էլեկտրաէներգիան պետք է գար Երևան քաղաքին,- ասաց Հրայր Մելքոնյանը:- Երևան քաղաքն ունենալու էր տարեկան 550 000 դոլար միայն այդ մասով եկամուտ, հետագայում էլ պետք է արդեն բիոգազի ստացման հորերում մնացած չոր թափոնը վերամշակվեր, այսինքն` Երևանն այլևս չէր ունենալու աղբավայր, բայց…»:
Նշելով, որ վերոնշյալ նախագիծն իրականություն չի դարձել, ինչ-որ մարդիկ ինչ-ինչ շահեր են հետապնդել, «Քննարկում» հաղորդաշարի հյուրը հույս հայտնեց, որ Նիկոլ Փաշինյանի կառավարությունը կպարզի, թե դրանք ինչ շահեր են եղել:
«Վերցրեցին,- իր խոսքը շարունակելով, ասաց Հրայր Մելքոնյանը,- գերմանական մի այլ ընկերության 450 000 դոլար վճարեցին, որ աուդիտ անի այդ պայմանագիրը, և գերմանական ընկերությունը գրեց, որ «Շիմիձու» ընկերությունը Նուբարաշենի աղբավայրում կունենա մենաշնորհային դիրք, և այդ պայմանագիրը թույլ չտվեցին… 53 հեկտարի փոխարեն, ճապոնացիներին հատկացվեց այդ աշխատանքի համար 7.5 հեկտարը և պարտադրվեց, որ ստացվող բիոգազով ոչ թե ջերմային գեներատոր աշխատի, այլ թասի մեջ վառվի: 2009 թվականից բիոգազը վառվում է»:
Ըստ «Տանիք» ՀԿ-ի նախագահի, Էներգետիկների, ինչպես ժողովուրդն է ասում, «գազավիկների» գրպանի խնդիրն է եղել, ինչպե՞ս կարելի էր թույլ տալ, որ այդ 550 000 դոլարի էլեկտրականությունը ձրի գար հասներ այս քաղաքին, հետևաբար այդ մարդիկ թույլ չտվեցին, կատարվածը կապված է կառավարման համակարգի հանցագործ անհատների հետ: Վերջիններս նույնիսկ երկրի բյուջեից 450 000 դոլար տվել են գերմանացիներին, որ գերմանացիները գրեն, թե Նուբարաշենում մենաշնորհ կունենան ճապոնացիները:
«Իհարկե, ճապոնացիները պատասխանել էին, որ մենք ամբողջն անհատույց տալու ենք Երևանին, և հիմա բիոգազի սարքավորումն անհատույց տվել են, այսինքն` մենաշնորհի խնդիր չկար, բայց գերմանացիները չխորշեցին այդ 450 000-ը վերցնել և այդ կարծիքը գրել, այնպես որ, կապիտալի աշխարհում կապիտալն ինչ-որ բան անում է»,- ասաց Հրայր Մելքոնյանը և հավելեց, որ կատարվածն օրենսդրության օգտագործման տիպիկ օրինակ է հանցագործության նպատակով, որովհետև օրենքի խախտում տեղի չի ունեցել, դիմել են, ասել են` աուդիտ արեք, նրանք աուդիտի եզրակացությունում գրել են` «Շիմիձուն» կունենա մենաշնորհային դիրք, ճիշտ են գրել, որևէ սխալ չկա, մեր օրենսդրության մեջ էլ մինչ այդ ինչ-որ տեղ գրել` մենաշնորհ թույլ չտալ:
«Ու ստացվել է` ամեն ինչն օրենքի այդ շղարշով ծածկել են, արդյունքում ստացել ենք այն, ինչն ունենք,- ասաց «Տանիք» ՀԿ-ի նախագահը:- Իհարկե, ես ոչ թե վստահ եմ, ես 100 տոկոսով գիտեմ, որ Նիկոլ Փաշինյանի կառավարությունն այդ խնդիրը կբարձրացնի, կլուծի և վնասներն էլ հետ կբերի: Ես դրանում համոզված եմ: Իմ այս ասածը փաստորեն հաղորդում է իրենց համար»:
Իրավապահ մարմինների պարզելու խնդիրն է, գուցե Հրայր Մելքոնյանը սխալվո՞ւմ է, գուցե ամեն ինչ չէ՞, որ ՀՀ օրենսդրության համաձայն է արվել…
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան»-ի ֆեյսբուքյան էջում և «Noyan Tapan» ֆեյսբուքյան խմբում։
Մանրամասները՝ տեսանյութում
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետույալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
