«Տաղանդի արտահոսքը լրջագույն խնդիրն է Հայաստանի». Հակոբ Արշակյան (տեսանյութ)
17-08-2018 21:48:22 | Հայաստան | Քննարկում
«Տաղանդի արտահոսքը լրջագույն խնդիրն է Հայաստանի»,- այսօր «Նոյյան Տապան» լրատվական կենտրոնի ուղիղ եթերում հեռարձակվող «Քննարկում» հաղորդաշարի ընթացքում ասաց Հայաստանի տրանսպորտի, կապի և ՏՏ նախարարի առաջին տեղակալ, «Քաղաքացիական պայմանագիր» կուսակցության անդամ Հակոբ Արշակյանը:
Ըստ Հ. Արշակյանի, սփյուռքի մեր հայրենակիցների մեծագույն ռեսուրսը ոչ թե նրանց ֆինանսական միջոցներն են, այլ տաղանդը, միջազգային կապերը, փորձը, ներառյալ նաև` արդյունաբերական փորձը:
«Այսինքն,- իր խոսքը շարունակելով, ասաց նախարարի առաջին տեղակալը,- այնտեղ որտեղ նրանք աշխատել են, ահռելի փորձ են ձեռք բերել, այդ փորձը Հայաստանում շատ քիչ է»:
Ինչո՞ւ… Անդրադառնալով Հայաստանից տաղանդների արտահոսքի հիմնախնդրին, Հակոբ Արշակյանն ասաց.
«Այն փորձառուները, ովքեր արդեն հասնում են որոշակի մակարդակի, հաջորդ ցիկլը չտեսնելով, լքում են Հայաստանը: Օրինակ, Հայաստանում, իմ կարծիքով, կա երկու տիպի գործազրկություն: Առաջինը` երբ որ մարդն ուղղակի աշխատանք չի գտնում, որևէ ուղղությամբ իր այդ պահին ունեցած գիտելիքներով չի կարողանում համապատասխան աշխատանք գտնել, դա, իհարկե, ունի օբյեկտիվ և սուբյեկտիվ պատճառներ, և երկրորդը` երբ որ մարդ հասնում է որևէ աստիճանի և դրա շարունակությունը չի կարողանում գտնի: Սա ամենավտանգավոր մասն է, նա նույնպես շատ վտանգավոր է սոցիալական առումով»:
Ըստ նախարարի առաջին տեղակալի, գործազրկության երկրորդ տիպը նույնպես շատ վտանգավոր է, քանի որ երբ մարդ հասել է որևէ կոնկրետ աստիճանի, նա կարող է սովորեցնել և ստեղծել մի այնպիսի արժեք, որի շուրջ, ասենք, 10-20 նոր աշխատատեղ կստեղծվի, բայց քանի որ հաջորդ փուլը չի տեսնում, օրինակ, պաշտպանական պատվերի բացակայությամբ ինչ-որ խումբ ստեղծելու և որևէ ինժեներական ուղղություն զարգացնելու փոխարեն, նա, ասենք, կարող է գնալ, օրինակ, սիլիկոնային հովիտ:
«Իմ կարծիքով, իրենց մեղադրելն այս պահին առարկայական չէ և սխալ մոտեցում է, մենք պետք է հաջորդ ցիկլը, որպես պետություն, կարողանանք զարգացնել, և դրա վրա է, որ մենք աշխատում ենք, այսինքն` մարդը պետք է ունենա իր տրամաբանական շարունակությունը, եթե ուզում է ցատկ կատարել որևէ այլ ուղղության վրա,- ասաց «Քննարկում» հաղորդաշարի հյուրը:- Այդ տեսանկյունից և շատ կարևոր է հնարավորինս շատ միջազգային ընկերությունների ներկայությունը Հայաստանում, և հնարավորինս շատ տեղական ընկերությունների առկայությունը և ստեղծումը Հայաստանում»:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան»-ի ֆեյսբուքյան էջում և «Noyan Tapan» ֆեյսբուքյան խմբում։
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
