Երկու շաբաթ տևած համաավետարանական երիտասարդական համագումարին մասնակցել են Սփյուռքի 100-ից ավելի երիտասարդներ (ՏԵՍԱՆՅՈՒԹ)
21-08-2018 21:28:43 | Հայաստան | Հասարակություն
Հայաստանում օգոստոսի 2-16-ն անցկացված համաավետարանական երիտասարդական համագումարը հայրենիք էր բերել Հայ Ավետարանական եկեղեցու ավելի քան 100 երիտասարդների և ակտիվ ծառայողների:
Ամերիկայի Հայ Ավետարանչական ընկերակցության 100-ամյակին նվիրված միջոցառումների շրջանակներում սփյուռքից ժամանած մեր հայրենակիցները հնարավորություն ունեցան ծանոթանալու Հայ Ավետարանական եկեղեցու 170-ամյա պատմությանը և սեփական ինքնությանը:
Սինխրոն- Նշան Բաքալյան- Ծրագրի ընդհանուր պատասխանատու-
2 շաբաթ տևած համագումարի առաջին օրերը ճանաչողական բնույթ են կրել. Հայաստան ժամանած երիտասարդներն այցելել են Հայաստանի միակ էկո ուսումնական հաստատություն համարվող Ավետիսյան դպրոց, ապա Հայոց ցեղասպանության թանգարան և Ծիծեռնակաբերդ, Խոր Վիրապ, Տաթեւի վանական համալիր, Սեւանա լիճ, Էջմիածնի մայր տաճար, Հաղարծին, իսկ օգոստոսի 6-ից մասնակցել համաավետարանական երիտասարդական կոնֆերանսին:
Կոնֆերանսի կարեւորագույն բաղադրիչներից են եղել՝ ՀԱԵ անցյալին, ներկային ու ապագային վերաբերող դասախոսությունները, որոնց նյութը ԱՄՆ-ից եւ Մերձավոր Արեւելքից բանախոսները վիդեոդասախոսությունների միջոցով ներկայացրել են երիտասարդներին:
Փոքր խմբերի բաժանված երիտասարդները հասցրել են լինել նաև Հայաստանի սահմանամերձ համայնքներում. Օրինակ Չորաթանում երիտասարդները դրամահավաք են կազմակերպել և սառնարան գնել երկու անչափահաս որբերի խնամող մի տատիկի համար, իսկ Մրգահովիտ այցելած խումբը սեփական միջոցներով դպրոցական պայուսակներ է գնել գյուղի բոլոր առաջին դասարանցիների համար:
Սինխրոն- Մկրտիչ Մելքոնյան- ՀԱԵ ավագ հովիվ-
Համագումարի վերջին օրը Հանքավանի «Շիին Շողիկ» ճամբար է այցելել նաեւ ՀՀ Սփյուռքի նախարար Մխիթար Հայրապետյանը, ով իր խոսքում կարեւորել է համագումարն ու դրա շրջանակներում սփյուռքահայ երիտասարդների Հայաստանի կարիքավորներին ծառայելու պատրաստակամությունը:
Մ. Հայրապետյանը երիտասարդներին կոչ է արվել վերադառնալ Հայաստան՝ երկարաժամկետ կամ կարճաժամկետ ծրագրերով, եւ ծառայել հայրենիքին՝ ներդնելով իրենց գիտելիքներն ու ընդունակությունները:
ՀԱՅԵՐԵՆ
Русский
English
Դաս. հայերեն
French
