Օգոստոսի 23-ին ՀՀ ոստիկանության զորքերի առաջին հերթափոխը կմեկնի հայ-ադրբեջանական սահման (ՏԵՍԱՆՅՈՒԹ)
21-08-2018 18:49:51 | Հայաստան | Հասարակություն
Օգոստոսի 23-ին ՀՀ ոստիկանության զորքերի առաջին հերթափոխը կմեկնի հայ-ադրբեջանական սահման:
Այս մասին օգոստոսի 21-ին լրագրողների հետ հանդիպման ընթացքում տեղեկացրեց ոստիկանապետ Վալերիյ Օսիպյանը:
Ըստ նրա՝ վարչապետ Նիկոլ Փաշինյանից ստացած համապատասխան հանձնարարականից հետո կատարել են ուսումնասիրություններ և պարզել, որ ոստիկանության զորքերն այս պահին ներքին կյանքում առանձնակի անելիք չունեն:
Վ. Օսիպյանի վստահեցմամբ՝ ոստիկանության զորքերը սահման ուղարկելու իր առաջարկն ընդունվել է միաձայն, ավելին՝ կին ծառայողները դժգոհել են, որ միայն տղամարդիկ են մեկնելու սահման:
«Տեղի կունենա ոստիկանության զորքերին ճանապարհելու հանդեսը, այո՛, ես դա տոն եմ համարում, որպեսզի գնանք, ուղղակի աջակցենք մեր եղբայրներին, մեր Զինված ուժերին, մեր մի փոքր ներդրումն ունենանք երկրի պաշտպանության գործընթացում»,- ընդգծեց ոստիկանապետը: