Ադրբեջանական ԽՍՀ-ից թե՛ հայ, թե՛ ադրբեջանցի փախստականների ճակատագրի համար պատասխանատու է ցեղասպան Ադրբեջանը. Մարիամ Ավագյան (տեսանյութ)
21-08-2018 22:04:02 | Հայաստան | Քննարկում
Անդրադառնալով ՀՀ վարչապետ Նիկոլ Փաշինյանի այն հայտարարությանը, որ որպես բանակցային կողմ պետք է ակտիվանա Արցախը, և Հայաստանը պետք է հանդես գա միայն անվտանգության գարանտ, «Ադր. ԽՍՀ-ից փախստականների համագումարի» համակարգող, կենսաբանական գիտությունների թեկնածու, դոցենտ Մարիամ Ավագյանն օգոստոսի 21-ին «Նոյյան Տապան» լրատվական կենտրոնի ուղիղ եթերում հեռարձակվող «Քննարկում» հաղորդաշարի ընթացքում ասաց.
«Այստեղ իսկույն մեր մոտ բազում հարցեր առաջացան, թե ի՞նչ է նշանակում Արցախը պետք է հանդես գա որպես բանակցային գործընթացի ակտիվ կողմ, և ինչ է նշանակում Հայաստանը` անվտանգության գարանտը, որտե՞ղ են այդ սահմանները: Այս առումով մենք հենց հեղափոխությունից հետո փորձել ենք կապեր հաստատել թե Հայաստանի Հանրապետության իշխանությունների հետ, և թե Արցախի իշխանությունների հետ: Փառք Աստծո, այդ կապերը ստացվել են, մենք հանդիպել ենք, բազում հանդիպումներ ունեցել ենք և՛ Հայաստանի Հանրապետությունում, և՛ Արցախի Հանրապետությունում: Մեր զրույցների մեջ եղել է փոխհամաձայնություն, այսինքն` մենք, իրոք, կարողացել ենք վերջին ութ տարիներին հարցն անընդհատ պահել հասարակայնության ուշադրության կենտրոնում, նաև իշխանություններին բազում դիմումներով, նամակներով, այսպես իրենց դեմ խոսելով, կարողացել ենք հարցը բերել իրենց ուշադրության կենտրոն, և առաջին մեր հանդիպումների, քննարկման արդյունքում տպավորություն կա, որ իշխանությունները ուզում են նորովի նայել այդ խնդրին: Առաջինն ես կուզենայի անդրադառնալ Արցախի Հանրապետություն մեր այցին, մենք շատ կարևորում ենք մեր հանդիպումը կառավարության մի շարք օղակներում, մեզ համար բավական դրական էր տեսնելը, որ միացում գործընթացն ընթացքի մեջ է (Հայաստանի Հանրապետություն, Արցախի Հանրապետություն), անշուշտ, պակաս պահեր շատ կան, բայց ամենակարևորը մեր հանդիպումն էր արտաքին գործոց նախարարի` պարոն Մայիլյանի հետ, որտեղ երկկողմ հնչեց այն կարևոր, առանցքային պահը, որ Ադրբեջանական ԽՍՀ-ից թե հայ փախստականների ճակատագրի համար, և թե ադրբեջանցի փախստականների ճակատագրի համար պատասխանատու է ցեղասպան Ադրբեջանը, և ողջ պատասխանատվությունը պետք է դրվի նրա վրա:
Անշուշտ, խոսվեց նաև այն մասին, որ օր առաջ պետք է շտապել և պատրաստել փաթեթ` բանակցային գործընթացում սեղանին դնելու համար, որովհետև մինչ օրս, մեր երեք նախորդ նախագահների իշխանության օրոք այդպես էլ չի ձևավորվել փաթեթ, որը պետք է, ի հեճուկս Մադրիդյան փաթեթի, հանդես գար և դրվի միջազգային քննարկման սեղանին: Այդ փաթեթի ձևավորումն օր առաջ պետք է իրողություն դարձնել: Այդ խնդիրը կա թե՛ Արցախի Հանրապետությունում, թե՛ Հայաստանի Հանրապետությունում, և արտաքին գործոց նախարարի հետ մեր հանդիպման ժամանակ մենք հենց այդ հարցն էինք բարձրացրել, որ չպետք է սպասել բանակցային գործընթացի նոր հանդիպում լինի, նոր քայլեր անել: Պետք է քայլերը սկսել հենց այսօրվանից: Անշուշտ, այդ փաթեթի ձևավորման համար բոլոր նախապայմանները կան, բավական աշխատանք արվել է, բայց դրան պետք է տալ, այսպես ասած, քաղաքագիտական ձևաչափ և այդ ձևաչափով էլ մտցնել բանակցային գործընթաց: Նույն զրույցը մենք ունեցել ենք նաև Հայաստանի Հանրապետությունում, կառավարության օղակներում, հանդիպել ենք նաև հանրապետության նախագահի հետ և այդ հարցերն ենք բարձրացրել»:
Երևանի ժամանակով ժամը 10:00-ից 11։00-ը հաղորդմանը կարելի էր հետևել ԱՄՆ հայկական AABC հեռուստաընկերությամբ, ինչպես նաև առցանց՝ «Նոյյան Տապան»-ի www.nt.am կայքով, «Նոյյան Տապան» հեռուստաընկերության Youtube-յան ալիքով, «Նոյյան Տապան» ֆեյսբուքյան էջում և «Noyan Tapan» ֆեյսբուքյան խմբում։
Մանրամասները` տեսանյութում
Հաղորդումները ուղիղ հեռարձակմամբ կարելի է դիտել Նոյյան Տապան Ալիքով, որը հեռարձակվում է հետույալ մալուխային ցանցերով․
Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով, Wiber, WhatsApp +374 55 50 90 75 համարով:
«Նոյյան Տապան»-ին աջակցել ցանկացողները կարող են մուտք գործել համապատասխան բաժինը հետեւյալ հղումներով
Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումների հեղինակները արգելափակվելուեն։
ՀԱՅԵՐԵՆ
Русский
English
Դաս. հայերեն
French
