Այն վեց կետերը, որոնք առաջարկում է «Սասնա Ծռեր»-ը երկրում սահմանադրական կարգը և արդարությունը վերականգնելու համար (ՏԵՍԱՆՅՈՒԹ)
18-09-2018 16:19:12 | Հայաստան | Քաղաքական
«Սասնա Ծռեր» համահայկական կուսակցության նախաձեռնող խումբն առաջարկներ են ներկայացնում երկրում սահմանադրական կարգի և արդարության վերականգնման համար:
Այս մասին լրագրողների հետ հանդիպման ժամանակ նշեց Արեգ Կյուրեղյանը՝ հավելելով, որ երկրում տևական ժամանակ սահմանադրական կարգը և արդարությունը վերացված է եղել:
Ներկայացնելով իրենց առաջարկը՝ բաղկացած վեց կետերից՝ նա նշեց.
«1. Կազմել արտակարգ լիազորություններով օժտված նոր կառավարություն, որը նաև կստանձնի օրենսդիրի գործառույթներ
2. Ստեղծել նոր անցումային արդարադատության ատյան, որը բարոյական մարդկանցով համալրված կլինի
3. Լուծարել Ազգային ժողովը
4. Կազմակերպել ԱԺ նոր ընտրություններ
5. Կազմել նախորդ ռեժիմի հետ հանցավոր համագործակցություն ունեցող անձանց շրջանակները և պատժել բոլորին
6. Այս կետն ուղղված է վերոնշյալ բոլոր կետերի իրականացմանը, այսինքն՝ գործադրել ներկայիս օրենքները և Սահմանադրությունն այնքանով, որքանով չեն հակասում հեղափոխությանը և արդարությանը»:
ՀԱՅԵՐԵՆ
Русский
English
Դաս. հայերեն
French
