Վերջապես ցմահ դատապարտյալներիս պայքարը տվեց իր առաջին արդյունքը.Ստեփան Գրիգորյան

17-10-2018 12:21:22   | Հայաստան  |  Մամլո հաղորդագրություն
Անհավատալին՝ ակնհայտ։ Հետո ասում են` հրաշքներ չեն լինում։ Վերջապես ցմահ դատապարտյալներիս պայքարը տվեց իր առաջին արդյունքը։ Երեւանի ընդհանուր իրավասության դատարանի դատավոր Արթուր Մկրտչյանն աննախադեպ որոշում կայացրեց՝ պայմանական վաղաժամկետ ազատել ցմահ դատապարտյալ Գեորգի Օգանիսյանին։ Ուրեմն՝ հեղափոխությունը հասավ մեզ։ Երկար տարիներ դատախազ աշխատած դատավոր Արթուր Մկրտչյանի որոշումից կարելի է ենթադրել, որ հետայսու դատարաններն ինքնուրույն են աշխատում։ 
 


Հեղափոխությունից հետո, երբ Արդարադատության նախարար Արտակ Զեյնանյանը բազմիցս հայտարարեց, որ ցմահների վերաբերյալ այլ դիրքորոշում կլինի, քննարկումները սկսել են՝ մտածեցի, որ հերթական «աչքկապոցին» է։ Քանի-քանի նախարար է հայտարարել, որ փորձում են մի բան, բայց այդպես էլ մոռացան։ 
 
Ընտրությունից ընտրություն էին փորձում լավամարդ լինել։ Իսկ ահա վարչապետ Նիկոլ Փաշինյանի իշխանության օրոք համոզվեցինք՝ ժողովուրդն է այս երկրի տերը, որ Հայաստանում Մարդը բարձրագույն արժեք է։ Նախագահ Ռոբերտ Քոչարյանի "մարդասիրական" հրամանագրից հետո մահապատիժը ցմահ բանտարկության փոխած ցմահ դատապարտյալներս սրտի տրոփյունով ենք սպասում, թե երբ օրը աչքալուսանքով կբացվի մեզ համար։ 
 
Մասնավորապես, ես ու իմ բախտակիցներից մի քանիսը ներման խնդրագրեր ենք գրել։ Նաև  դիմել ենք ՀՀ նախագահին՝ հնարավորության սահմաններում վերանայելու գործերը։ Հույս ունենք, որ շատ շուտով մենք էլ կլինենք մեր հարազատների հետ։ Երախտիքի մեր խոսքերը վարչապետին, արդարադատության նախարարին ու ՀՀ նախագահին, որ հուսախաբ չարին մեզ։ Սպասում ենք մեր հերթին, որը համոզված ենք, չի ուշանա։ 
 
Հարգանքներով ցմահ դատապարտյալ Ստեփան Գրիգորյան
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 616 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար