Եռամսյակային արդյունքների ամփոփում 3-րդ զորամիավորման շտաբում.ԼՈՒՍԱՆԿԱՐՆԵՐ

19-10-2018 16:52:48   | Հայաստան  |  Մամլո հաղորդագրություն
 

 
Հոկտեմբերի 15-ին 3-րդ զորամիավորման շտաբում, ենթակա զորամասերի հրամանատարների ու մի շարք առանցքային պաշտոնատար անձանց մասնակցությամբ ամփոփվել են 2018 ուսումնական տարվա 3-րդ եռամսյակի արդյունքները:
Զորամիավորման հրամանատարի տեղակալները զեկույցներում, ըստ ուղղությունների, ամփոփել են մարտական պատրաստականության, մարտական հերթապահության, մարտական ու զորահավաքային պատրաստության, զինվորական կարգապահության, թիկունքի ու տեխնիկական ծառայությունների վիճակը, նշել ձեռքբերումները:
 
Հետագա աշխատանքների արդյունավետ կազմակերպման ուղղությամբ հանձնարարականներ է տվել զորամիավորման հրամանատար, գնդապետ Գ. Խաչատուրովը:
Նիստի ավարտին խրախուսվել են եռամսյակի ընթացքում լավագույն արդյունքներ ցուցաբերած զինծառայողները: ՀՀ ՊՆ պատվոգրով պարգևատրվել է մարտական դիրքերում և սահմանամերձ բնակավայրերում իրականացված մեծածավալ ինժեներական և ամրաշինական աշխատանքներում զգալի ներդրում ունեցած «Ավտոշեմ» ՍՊԸ տնօրեն Արմեն Շահբազյանը:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 460 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար