Գծատերերը նոր երթուղային ցանցի դեպքում ոչ միայն վարկերը չեն կարողանա փակել, այլև ձեռք բերված մեքենաները վաճառել (ՏԵՍԱՆՅՈՒԹ)
22-10-2018 18:10:15 | Հայաստան | Հասարակություն
28 համարի երթուղու տնօրենը դեմ չէ մայրաքաղաքում ավտոբուսներ շահագործելուն, միաժամանակ պատկան մարմիններին զգուշացնում է, որ նոր երթուղային ցանցը հավելյալ խնդիրներ կառաջացնի թե գծատերերի, թե ցանցը սպասարկողների համար:
Ինչպես հոկտեմբերի 22-ին լրագրողների հետ հանդիպման ժամանակ պարզաբանեց 28 համարի երթուղու և վերանորոգման պարկի տնօրեն Վլադիկ Աբրահամյանը, Երևանում մինչև 16 մետր երկարությամբ ավոտոբուսներ շահագործելու համար չկան համապատասխան փորձով վարորդներ, չկան տեխնիկական սպասարկողներ, պահեստամասերը բավականին թանկ են:
Ըստ նրա՝ երթուղայինների տնօրենները մեծամասամբ վարկերով ներդրումներ են կատարել, գազելներ բերել և երթուղի սպասարկել, իսկ նոր երթուղային ցանցի գործարկման դեպքում ոչ միայն չեն կարողանա վարկերը փակել, այլև ձեռք բերված մեքենաները վաճառել:
Լրագրողի այն հարցին, թե ի՞նչ կլինի գազելների հետ, եթե դրանք շրջանառությունից դուրս գան, և արդյո՞ք իրենք փոխհատուցում ստանալու են, Վ. Աբրահամյանը նշեց.
«Ի՞նչ պետք է անենք, պետք է տանենք Պոբեդա մոստից գցենք ներքև: Ամեն մեքենայի համար գծատերը կկորցնի ամենաքիչը 3000 դոլար»: