Ոստիկանները հայտնաբերել են Ձորաղբյուր, Պտղնի և Նուռնուս գյուղերի առանձնատներից գողություններ կատարած անձանց

17-11-2018 14:19:00   | Հայաստան  |  Իրավունք
Նոյեմբերի 16-ի գիշերը, ժամը 3-ի սահմաններում, ոստիկանության Կոտայքի բաժնի Գառնիի բաժանմունքի ծառայողները, Ձորաղբյուր գյուղի ամառանոցային 50-րդ թաղամասում շրջագայություն կատարելիս, առանձնատներից մեկի մոտ կասկածելի ավտոմեքենա են նկատել: Քիչ անց, առանձնատան բակից մեքենային են մոտեցել երկու հոգի, որոնց ձեռքին պարկեր էին: Ոստիկաններին նկատելով՝ անհայտ անձինք դիմել են փախուստի:
 

Ոստիկանները հետապնդել են, և Ձորաղբյուր գյուղի սկզբնամասում հաջողվել է բռնել նրանցից մեկին: Քաղաքացին գողություն կատարելու կասկածանքով բերման է ենթարկվել ոստիկանության Կոտայքի բաժին: Պարզվել է նրա ինքնությունը՝ Երևանի բնակիչ, 26-ամյա Հովհաննես Ա.-ն էր:
Ձեռնարկված օպերատիվ-հետախուզական և որոնողական միջոցառումներով պարզվել է նաև, որ փախուստի դիմած մյուս անձը՝ նույնպես երևանցի, 33-ամյա Սինան Չ.-ն է: Նա բնակության վայրում հայտնաբերվել և բերման է ենթարկվել ոստիկանություն:
Պարզվել է, որ Հովհաննես Ա.-ն ու Սինան Չ.-ն Ձորաղբյուր էին եկել գողություն կատարելու նպատակով: 
Քննության ընթացքում պարզված նախնական տվյալներով՝ նախկինում էլ զույգը գողություններ է կատարել, որոնց թիվը հասնում է մի քանի տասնյակի: Բացի Ձորաղբյուր գյուղի առանձնատներից, գողություններ են արել նաև Պտղնի և Նուռնուս գյուղերում:
Նրանց բնակության վայրերի խուզարկությամբ հայտնաբերվել են մեծ թվով գողացված իրեր:
Հովհաննես Ա.-ն և Սինան Չ.-ն ձերբակալվել են:
Քննությունը շարունակվում է:
Նոյյան տապան   -   Իրավունք
Լուրեր Հայաստանից եւ Սփյուռքից

Կարդացել են 1253 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար