«Իմ Քայլը» դաշինքի թիվ 1 թեկնածու Դավիթ Առուշանյանն ամփոփեց իր նախընտրական քարոզարշավի ընթացքը
06-12-2018 23:37:28 | Հայաստան | Հասարակություն
Դավիթ Առուշանյանը՝ Շիրակի մարզի «Իմ Քայլը» դաշինքի թիվ 1 թեկնածուն, ամփոփեց իր նախընտրական քարոզարշավի ընթացքը: Այս օրերին թեկնածուն շրջեց մարզի գյուղական և քաղաքային համայնքներով, ծանոթացավ սկզբունքային շիրակցիների հրատապ լուծումներ պահանջող խնդիրներին, լսեց նրանց կարծիքներն ու առաջարկները:
Դավիթ Առուշանյանին և իր թիմակիցներին մարզի բնակիչներն ընդունեցին ջերմ ու սրտաբաց` ողջունելով ու կարևորելով Ազգային Ժողովում կիրթ ու աշխատասեր, փորձառու ու հայրենասեր պատվիրակ ունենալու հնարավորությունը։
Շիրակի մարզի բնակիչները ՀՀ Ազգային ժողովի արտահերթ ընտրություններում հաջողություն ու հաղթանակ մաղթեցին թեկնածուին և հանդես եկան առաջարկով՝ պարբերական դարձնել նմանատիպ ձևաչափով հանդիպումները արդեն Դավիթ Առուշանյան-պատգամավոր կարգավիճակում: