Առաջին անգամ ընտրությանը հաջորդող առավոտի վրա կախված չէ հիասթափության, անզորության և ապագան կրկին 5 տարով վաճառված լինելու ծանր ու թունավոր օդը. Գոհար Աբաջյան
Առաջին անգամ ընտրությանը հաջորդող առավոտի վրա կախված չէ հիասթափության, անզորության և ապագան կրկին 5 տարով վաճառված լինելու ծանր ու թունավոր օդը. Գոհար Աբաջյան
10-12-2018 14:26:44 | Հայաստան | Հասարակություն
ՀՀ առաջին փոխվարչապետի ժամանակավոր պաշտոնակատար Արարատ Միրզոյանի կինը՝ Գոհար Աբաջյանն անդրադառնալով երեկ կայացած արտահերթ խորհրդարանական ընտրություններին՝ իր ֆեյսբուքյան էջում գրել է.
«Գիտակից կյանքիս մեջ առաջին անգամ քաղաքացին ընտրության գնաց` արժևորելով իր ձայնը:
Գիտակից կյանքիս մեջ առաջին անգամ ես չեմ լսել ՀՀ քաղաքացուց « մեկա բան չի փոխվելու, մեկա իմ ընտրությամբ ոչինչ չի որոշվելու» արտահայտությունը:
Գիտակից կյանքիս մեջ առաջին անգամ ընտրությանը հաջորդող առավոտի վրա կախված չէ հիասթափության, անզորության և ապագան կրկին 5 տարով վաճառված լինելու ծանր ու թունավոր օդը:
Գիտակից կյանքիս մեջ առաջին անգամ պատասխանատվության զգացումը խեղդում է բոլոր զգացմունքները:
7-րդ գումարման Ազգային Ժողովը պարտավոր է և պետք է դառնա պետականաշինության հիմքը:
Իսկ մոտակա 5 տարիներին ամեն օր ու ժամ քաղաքացիներին հորդորելու եմ հետամուտ լինել և պահանջել իրենց ընտրած Աժ-ից հաշվետվողականություն և պատասխանատվություն»: