Նոր իշխանություններին չշնորհավորելն իրենց խնդիրն է. դրանից այստեղ ոչինչ չի փոխվում (ՏԵՍԱՆՅՈՒԹ)

14-12-2018 22:39:44 | Հայաստան | Քաղաքական

Նոր իշխանություններին չշնորհավորելն իրենց խնդիրն է. դրանից այստեղ ոչինչ չի փոխվում:

Այս մասին «Նոյյան Տապան»-ի թղթացկցի հետ զրույցում նշեց քաղաքական վերլուծաբան Ռուբեն Մեհրաբյանը՝ պատասխանելով հարցին, թե ինչու, այնուամենայնիվ, դաշնակից Ռուսաստանի և ԵԱՏՄ անդամ պետությունների ղեկավարները չշնորհավորեցին Հայաստանի նոր իշխանություններին:

Ըստ նրա՝ ապրիլից Հայաստանում տեղի ունեցած իրադարձությունները և դրանց արդյունքում դեկտեմբերի 9-ին անցկացված արտահերթ խորհրդարանական ընտրություններն այդքան էլ ցանկալի չեն հետխորհրդային «բռնապետերի համար»:

«Մյուս կողմից շնորհավորում են նրանք, չեն շնորհավորում, հազար անգամ են շնորհավորում, թե ոչ մի անգամ, ինչպես ասում են՝ քարը գլուխը: Ի վերջո Հայաստանում դրանից ոչ մի բանի դասավորությունը չի փոխվում այնպես, ինչպես երկնքում՝ աստղերի դասավորությունը: Հետևապես ես կարծում եմ՝ կշնորհավորեն, թե ոչ միանգամայն իրենց խնդիրն է, իրենք թող մտածեն դրա մասին»,- ընդգծեց Ռ. Մեհրաբյանը:

Վերջինիս կարծիքով՝ նոր իշխանություններին չշնորհավորելուն առանձնապես կարևորություն պետք չէ տալ, քանի որ կյանքը շարունակվում է:

Մանրամասները՝ տեսանյութում

Էլիզա Զախարյան, «Նոյյան Տապան»

Նոյյան տապան - Քաղաքական